ახალი ამბები
100 000 ლარი ზუგდიდის გასამწვანებლად
მომავალ წელს 100 000 ლარი შესაძლოა ზუგდიდის გამწვანებას მოხმარდეს. შესაბამისი პროექტი 2020 წლის ადგილობრივი ბიუჯეტის პროექტში უკვე აისახა. ინიციატივა საკრებულოს წევრს სანდრო სორდიას ეკუთვნის.
პროექტი "მწვანე ბიუჯეტის" კონცეფცია ქალაქის ადმინისტრაციულ საზღვრებში მდებარე ქუჩებისა და უბნების გამწვანებას გულისხმობს. კერძოდ, პროექტში მონაწილეობისათვის აუცილებელია ზუგდიდის მუნიციპალიტეტის ქალაქის ადმინისტრაციულ საზღვრებში არსებულ ქუჩებსა და უბნებში შეიქმნას საინიციატივო ჯგუფები, რომლებიც მუნიციპალიტეტს მიმართავენ გამწვანების პროექტებითა და სავარაუდო ხარჯთაღრიცხვით. თავის მხრივ, მერიამ წარდგენილი პროექტის ღირებულების 90% უნდა დააფინანსოს.
"პროექტის "მწვანე ბიუჯეტის" კონცეფცია საინტერესო და მნიშვნელოვანია იმდენად, რამდენადაც ეს არის უპრეცედენტო პროექტი. კერძოდ, საქართველოს მასშტაბით ზუგდიდი არის პირველი მუნიციპალიტეტი, რომელმაც მოახდინა აღნიშნული პროექტის ინიცირება და ასახვა ბიუჯეტის პროექტში. პროექტი ასევე მნიშვნელოვანია იმდენად, რამდენადაც ზუგდიდი არის იმ მუნიციპალიტეტების რიგში, რომელიც არის ხელმომწერი ისეთი მნიშვნელოვანი საერთაშორისო შეთანხმებისა, რომელსაც "მერები კლიმატური ცვლილებებისთვის" ჰქვია. ვფიქრობ "მწვანე ბიუჯეტის" კონცეფციის იმპლემენტაცია ხელს შეუწყობს აღნიშნული საერთაშორისო აქტის პრაქტიკულ რეალიზაციას და იგი ასევე დადებითად აისახება ჩვენი მოსახლეობისათვის ხელსაყრელი საყოფაცხოვრებო და ეკოლოგიური გარემოს შექმნაზე", - თქვა პროექტის ინიციატორმა სანდრო სორდიამ.
მისივე თქმით, საწყის ეტაპზე, თითოეული პროექტის ღირებულება 10 000 ლარს არ უნდა აღემატებოდეს.
"აღნიშნული ინიციატივის მიზანია, ერთი მხრივ, ადგილობრივი თვითმმართველობის განხორციელებაში მოქალაქეების აქტიური ჩართულობის ხელშეწყობა, რაც უზრუნველყოფს განხორციელებული პროექტების მდგრადობას (მოქალაქეებს შესძენს მათი ინიციატივით განხორციელებული პროექტებისადმი მესაკუთრეობის განცდას), ხოლო მეორე მხრივ, ქალაქის ტიპის დასახლებისათვის დამახასიათებელ ურბანულ გარემოში ეკოლოგიური მდგომარეობის მნიშვნელოვნად გაუმჯობესება", - ამბობს სორდია.
2020 წლის ზუგდიდის მუნიციპალიტეტის ბიუჯეტის პროექტი 43 მილიონი ლარით განისაზღვრა. მუნიციპალიტეტის საკრებულომ ქალაქის მთავარი საფინანსო დოკუმენტი ახალი საბიუჯეტო წლის დაწყებამდე ანუ პირველ იანვრამდე უნდა დაამტკიცოს.
პროექტი "მწვანე ბიუჯეტის" კონცეფცია ქალაქის ადმინისტრაციულ საზღვრებში მდებარე ქუჩებისა და უბნების გამწვანებას გულისხმობს. კერძოდ, პროექტში მონაწილეობისათვის აუცილებელია ზუგდიდის მუნიციპალიტეტის ქალაქის ადმინისტრაციულ საზღვრებში არსებულ ქუჩებსა და უბნებში შეიქმნას საინიციატივო ჯგუფები, რომლებიც მუნიციპალიტეტს მიმართავენ გამწვანების პროექტებითა და სავარაუდო ხარჯთაღრიცხვით. თავის მხრივ, მერიამ წარდგენილი პროექტის ღირებულების 90% უნდა დააფინანსოს.
მისივე თქმით, საწყის ეტაპზე, თითოეული პროექტის ღირებულება 10 000 ლარს არ უნდა აღემატებოდეს.
"აღნიშნული ინიციატივის მიზანია, ერთი მხრივ, ადგილობრივი თვითმმართველობის განხორციელებაში მოქალაქეების აქტიური ჩართულობის ხელშეწყობა, რაც უზრუნველყოფს განხორციელებული პროექტების მდგრადობას (მოქალაქეებს შესძენს მათი ინიციატივით განხორციელებული პროექტებისადმი მესაკუთრეობის განცდას), ხოლო მეორე მხრივ, ქალაქის ტიპის დასახლებისათვის დამახასიათებელ ურბანულ გარემოში ეკოლოგიური მდგომარეობის მნიშვნელოვნად გაუმჯობესება", - ამბობს სორდია.
2020 წლის ზუგდიდის მუნიციპალიტეტის ბიუჯეტის პროექტი 43 მილიონი ლარით განისაზღვრა. მუნიციპალიტეტის საკრებულომ ქალაქის მთავარი საფინანსო დოკუმენტი ახალი საბიუჯეტო წლის დაწყებამდე ანუ პირველ იანვრამდე უნდა დაამტკიცოს.
დაფინანსებული
წალენჯიხის მუნიციპალიტეტში ფონდი „სოხუმის“ ფორუმ-თეატრის წარმომადგენლების ჩვენება გაიმართა, რომელშიც მონაწილეობდნენ ახალგაზრდული ჯგუფი და ურთიერთდახმარების ქალთა ჯგუფი.
„მე-16 ელემენტის" და „ნაციონალიზმისა და კონფლიქტის კვლევის ინსტიტუტის“ (ISNC) , “Digital Interaction for Peace” / DIP Project-ის ფარგლებში გადაიღეს დოკუმენტური ფილმი სახელწოდებით "თაობა კონფლიქტს მიღმა".
სურსათის უვნებლობა მოქალაქეების ჯანსაღი და უსაფრთხო ცხოვრების ერთ-ერთი მნიშვნელოვანი კომპონენტია. პროდუქტებში შემავალმა საკვებმა დანამატებმა და გენეტიკურად მოდიფიცირებულმა ორგანიზმებმა შეიძლება გავლენა იქონიონ ჩვენს ჯანმრთელობაზე. ზუგდიდში, სხვადასხვა ლოკაციაზე, მოქალაქეებს ვკითხეთ, ამოწმებენ თუ არა ვადებს და ეტიკეტს პროდუქტის შეძენისას.
სტატია
ინტერვიუ
დღის სიახლეები
05 / ივნისი 2025
სამეგრელოში გავრცელებული ტანსაცმლის კომპლექსების მიხედვით მეგრელები საშინაო ჩაცმულობისგან ასხვავებდნენ სადღესასწაულო და საგარეო ჩაცმულობას, რომელსაც უწოდებდნენ ,,სადიარო“/ ,,სასუმარო’’ მუკაქუნალს. იცნობენ ტანზე მოსარგები სამოსელის დანაწილების პრინციპებს: შიგნითა ,,დინახალენ ბარგი“ და ,,გარეთა ,,გალენ ბარგი“. დღევანდელ გადაცემაში აღწერილია როგორი იყო შიგნითა სამოსი ,საცვლების და გრძელი პერანგების ,,ოსარეშ“ ნიმუშები და როგორ იცვლებოდა მისი ფორმები დროთა განმავლობაში.
30 / მაისი 2025
აფხაზეთის ავტონომიური რესპუბლიკის მთავრობის ინფორმაციით, სამეგრელო-ზემო სვანეთის რეგიონში მთავრობის წარმომადგენლობის ახალ ხელმძღვანელად ირაკლი ბაღათურია დაინიშნა.
30 / მაისი 2025
2025 წლის პირველ კვარტალში (იანვარი, თებერვალი, მარტი) საქართველოს ტერიტორიაზე 15 წლის და უფროსი ასაკის ადგილობრივი ვიზიტორების საშუალო თვიური რაოდენობა 1 262.4 ათასით განისაზღვრა. ამის შესახებ ინფორმაციას სტატისტიკის ეროვნული სამსახური აქვეყნებს.
გადაცემები
რუბრიკები
მულტიმედია
დილის ჩართვა
ოდაბადეშ კინოხონი
დადიანების სასახლეთა საგანძური
შენი საუკეთესო მომავლისთვის
მოქალაქეების აზრი
ჩვენი თვითმმართველობა
არქივი
ამინდი
ზუგდიდი
17
°C
სოხუმი
15
°C
ფოთი
15
°C
მესტია
5
°C
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები