მეგრული ენის ასოციაციამ ჯორჯ ორუელის ცნობილი ნაწარმოები "ცხოველების ფერმა" მეგრულად გამოსცა. წიგნი ინგლისურიდან ასოციაციის ერთ-ერთმა დამფუძნებელმა გივი ქარჩავამ 2020 წელს თარგმნა.

"ეს არის პირველი მცდელობა ჯორჯ ორუელის გამეგრულებისა. თარგმანს აქვს პრეტენზია, რომ ორუელის მარტივი და ამავდროულად უმდიდრესი სამწერლო ენა მაქსიმალურადაა მორგებული მეგრულის მრავალფეროვან ბუნებას და გადმოცემულია უზადო ექსპრესიულობით, რომელიც მეგრულ ენას ბუნებრივად ჭარბად ახასიათებს. ამაში მკითხველი თავად დარწმუნდება", - ნათქვამია მეგრული ენის ასოციაციის ფეისბუქ გვერდზე. 

ამავე ცნობით "ორინჯეფიშ ფერმა" უკვე გაყიდვაშია და მისი შეძენა შემდეგ მისამართებზე არის შესაძლებელი: 

- ქ. ზუგდიდი - საკანცელარიო მაღაზია "პილოტი", რუსთაველის 92;
- ქ. ხობი - პრესის ჯიხური, სტალინის 2;
- ქ. ჩხოროწყუ - პრესის ჯიხური. აღმაშენებლის 50;
- ქ. მარტვილი - 1. წიგნის მაღაზია "ინტელექტი", რუსთაველის 10, და 2; ასევე პრესის ჯიხური. აკ. წერეთლის 2.
- ქ. აბაშა - წიგნისა და საკანცელარიო მაღაზია, თავისუფლების 65;
- თბილისი - მაღაზია "შაქრო ბაბუა", ჭავჭავაძის გამზირი 17ბ:

გარდა ამისა, წიგნის ყიდვას შემდეგ ბმულზეც შეძლებთ: https://shaqrobabua.ge/products/759