ახალი ამბები
მამუკა წოწერიამ EU4Culture საერთაშორისო კონფერენციაში მონაწილეობა მიიღო
ზუგდიდის მუნიციპალიტეტის მერი მამუკა წოწერია დღეს, EU4Culture საერთაშორისო კონფერენციაში (Zoom) პალატფორმის მეშვეობით დისტანციურად ჩაერთო და მუნიციპალიტეტის კულტურულ ასპექტებზე და შემეცნებით პოტენციალზე ისაუბრა.

„გვაქვს პატივი მონაწილეობა მივიღოთ დღევანდელ კონფერენციაში და ვისაუბროთ ქალაქ ზუგდიდის ძირითად კულტურულ ასპექტებზე. ზუგდიდი საუკუნეების განმავლობაში ჩამოყალიბდა, როგორც მოხერხებული კულტურულ-ეკონომიკური სავაჭრო ცენტრი, რაც ქმნიდა შესაძლებლობებს მჭიდრო კომუნიკაცია დამყარებულიყო გარესამყაროსთან, მის მოწინავე ცივილიზაციებთან. შესაბამისად ამ ურთიერთობების უტყუარი მდიდარი მატერიალური ნიმუშები დადასტურებულია არქეოლოგიური, ფოლკლორული თუ ზოგადად ეთნოგრაფიული მასალების სახით. ზუგდიდი გამოირჩევა მრავალფეროვანი მატერიალური და არამატერიალური კულტურის მემკვიდრეობის ნიმუშებით“. - აღნიშნა ზუგდიდის მუნიციპალიტეტის მერმა მამუკა წოწერიამ.

მერმა მადლობა გადაუხადა ევროკავშირს, გოეთეს ინტიტუტს და მის კონსორციუმს, რათა სხვა აპლიკანტებთან ერთად ამ ეტაპზე შერჩეულ იქნა ქალაქი ზუგდიდი.

„ეს არის უნიკალური შესაძლებლობა პირველად ჩვენს ისტორიაში შევიმუშაოთ კულტურის განვითარების გრძელვადიანი სტრატეგია და ამასთან ახლებურად გავიაზროთ ის როლი, რომელიც კულტურას გააჩნია ჩვენი ქალაქის ეკონომიკური და სოციალური განვითარების ჭრილში“.

ამასთანავე, მერმა ხაზი გაუსვა სტრატეგიული დოკუმენტის შემუშავების პროცეს, მისი თქმით, ძალიან მნიშვნელოვანია თანამშრომლობა პროექტში მონაწილე სხვა აპლიკანტ ქალაქებთან, მიუხედავად იმისა, ამ ეტაპზე მიაღწიეს თუ არა მათ წარმატებას.

„ჩვენ გამოვთქვამთ მზაობას, რომ დავუმეგობრდეთ ამ ქალაქებს. აქტიურ რეჟიმში მოხდეს ურთიერთგამოცდილების გაზიარება, თანამშრომლობა და გარკვეული სახით საერთო პლატფორმაზე შეთანხმება, როგორიცაა გაცვლითი პროგრამები, სასწავლო სემინარები და სხვა“.

EU4Culture ევროკავშირის მიერ დაფინანსებული ოთხწლიანი პროექტია, რომელიც მიზნად ისახავს აღმოსავლეთ პარტნიორობის ქვეყნებში კულტურისა და შემოქმედებითი სექტორის მხარდაჭერას. პროექტს ახორციელებენ გოეთეს ინსტიტუტი (წამყვანი პარტნიორი), დანიის კულტურის ინსტიტუტი, ჩეხეთის ცენტრები და საქართველოს ფრანგული ინსტიტუტი.


Print Email
FaceBook Twitter
დაფინანსებული
წალენჯიხის მუნიციპალიტეტში ფონდი „სოხუმის“ ფორუმ-თეატრის წარმომადგენლების ჩვენება გაიმართა, რომელშიც მონაწილეობდნენ ახალგაზრდული ჯგუფი და ურთიერთდახმარების ქალთა ჯგუფი.
„მე-16 ელემენტის" და „ნაციონალიზმისა და კონფლიქტის კვლევის ინსტიტუტის“ (ISNC) , “Digital Interaction for Peace” / DIP Project-ის ფარგლებში გადაიღეს დოკუმენტური ფილმი სახელწოდებით "თაობა კონფლიქტს მიღმა".
სურსათის უვნებლობა მოქალაქეების ჯანსაღი და უსაფრთხო ცხოვრების ერთ-ერთი მნიშვნელოვანი კომპონენტია. პროდუქტებში შემავალმა საკვებმა დანამატებმა და გენეტიკურად მოდიფიცირებულმა ორგანიზმებმა შეიძლება გავლენა იქონიონ ჩვენს ჯანმრთელობაზე. ზუგდიდში, სხვადასხვა ლოკაციაზე, მოქალაქეებს ვკითხეთ, ამოწმებენ თუ არა ვადებს და ეტიკეტს პროდუქტის შეძენისას.
სტატია
დღის სიახლეები
05 / ივნისი 2025
სამეგრელოში გავრცელებული ტანსაცმლის კომპლექსების მიხედვით მეგრელები საშინაო ჩაცმულობისგან ასხვავებდნენ სადღესასწაულო და საგარეო ჩაცმულობას, რომელსაც უწოდებდნენ ,,სადიარო“/ ,,სასუმარო’’ მუკაქუნალს. იცნობენ ტანზე მოსარგები სამოსელის დანაწილების პრინციპებს: შიგნითა ,,დინახალენ ბარგი“ და ,,გარეთა ,,გალენ ბარგი“. დღევანდელ გადაცემაში აღწერილია როგორი იყო შიგნითა სამოსი ,საცვლების და გრძელი პერანგების ,,ოსარეშ“ ნიმუშები და როგორ იცვლებოდა მისი ფორმები დროთა განმავლობაში.
30 / მაისი 2025
აფხაზეთის ავტონომიური რესპუბლიკის მთავრობის ინფორმაციით, სამეგრელო-ზემო სვანეთის რეგიონში მთავრობის წარმომადგენლობის ახალ ხელმძღვანელად ირაკლი ბაღათურია დაინიშნა.
30 / მაისი 2025
2025 წლის პირველ კვარტალში (იანვარი, თებერვალი, მარტი) საქართველოს ტერიტორიაზე 15 წლის და უფროსი ასაკის ადგილობრივი ვიზიტორების საშუალო თვიური რაოდენობა 1 262.4 ათასით განისაზღვრა. ამის შესახებ ინფორმაციას სტატისტიკის ეროვნული სამსახური აქვეყნებს.
დილის ჩართვა
ოდაბადეშ კინოხონი
ჩვენი თვითმმართველობა
არქივი
«« ივნისი 2025 »»
262728293031 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 123456
ამინდი
ზუგდიდი 17 °C
img
სოხუმი 15 °C
img
ფოთი 15 °C
img
მესტია 5 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.