"აფხაზეთში რუსეთის ახალმა ელჩმა" მიხაილ შურგალინმა რწმუნებათა სიგელი გადასცა დე ფაქტო რესპუბლიკის პრეზიდენტს ასლან ბჟანიას.  ამ უკანასკნელმა მას თანამდებობის დაკავება მიულოცა:

"იცით რომ აფხაზურ-რუსული ურთიერთობები გასაკუთრებული მნიშვნელობის მატარებელია - ისინი სამოკავშირეოა და ეფუძნება ორ ფუნდამენტურ საერთაშორისო შეთანხმებას: "მეგობრობის, თანაშრომლობისა და ურთიერთდახმარების" 2008 წლიდან და "მოკავშიროებისა და სტრატეგიული პარტნიორობის შესახებ" 2014 წლიდან. როგორც არაერთგზის აღინიშნა, მჭიდრო თანამშრომლობის შედეგად, ჩვენ მოვახერხეთ ორმხრივი ურთიერთობების ყველაზე ფართო სამართლებრივი ჩარჩოს შექმნა", წერს "აფსადგილ ინფო".

ბჟანიამ გაზგასმით აღნიშნა, რომ "საერთაშორიოს ვითარების გათვალიწინებით, რუსეთზე უპრეცედენტო სანქციებით ზეწოლის, უკრაინაში მიმდინარე სპეციალური სამხედრო ოპერაციის ფონზე დასაველთის სახელმწფოების სამხედრო-პოლიტიკური ალიანსების პირდაპირი უხეში ჩარევის, კიევის ნაცისტური რეჟიმის მასშტაბური შეირაღების ფონზე, წინა პლანზე გამოდის მოკავშირე ქვეყნების ურთიერთქმედების საკითხი მთლიანობაში გარე საფართხეებთან დაპირისპირებასა და კერძოდ უკრაინის დენაციფიკაცის კუთხით"

თავის მხრივ, მიხაილ შურგალინმა განაცხადა რომ "რუსეთს ფედარაცია და აფხაზეთის რესპუბლიკა მოკავშირე სტატეგიული პარტნიორები არიან, რუსეთის პრეზიდენტმა ვლადიმირ პუტინტმა მომანდო მისი აქ წარმომადგენლობა და მთხოვა გადმომეცა რწმუნებათა სიგელები, რაც პატივცემულო ალსან გეორგიევიჩ, ნიშნავს იწრმუნოთ ჩემი სიტყვები როგორც რუსეთის მთავრობის ნათქვამი"

ვლადიმირ პუტინის განკარგულებით მიხაილ შურგალინი "აფხაზეთში ელჩად" მაისის ბოლოს დაინიშნა. ის სოხუმში რუსეთის რიგით მესამე "ელჩი" გახდა. მანამდე ამ პოსტს ალექსეი დვინიანინი იკავებდა. პუტინმა ის მარტში გაათავისუფლა თანამდებობიდან, თუმცა დვინიანინმა სამსახური გასული წლის დეკემბერში დაასრულა და მოსკოვში დაბრუნდა, მის ფუნქციას დროებით მრჩეველი მაქსიმ ლიტვინოვი ასრულებდა.

შურგალინი მანამდე რუსეთის ფედერაციის საგარეო საქმეთა სამინისტროს დსთ-ს ქვეყნების მეოთხე დეპარტამენტის დირექტორის მოადგილედ მუშაობდა, რომელიც პასუხისმგებელია აზერბაიჯანზე, სომხეთზე, საქართველოს, ასევე ოკუპირებული აფხაზეთისა და ე.წ. სამხრეთ ოსეთის საკითხებზე.

საქართველოს აფხაზეთისა და ცხინვალის რეგიონები რუსეთმა 2008 წლის აგვისტოს ომის შემდეგ დამოუკიდებელ ქვეყნებად აღიარა.