აფხაზმა ლიდერმა ასლან ბჟანიამ განაცხადა, რომ რუსული ელექტრომატარებელი „ლასტოჩკა“ 2025 წელს ოჩამჩირემდეც ივლის.

ამის შესახებ მან ოჩამჩირის რაიონში გამართულ „გასვლით თათბირზე“ ისაუბრა, წერს „აფსნიპრესი“

ამავე ცნობით, ოჩამჩირის საზღვაო პორტში გაიხსნება მსხვილი საწარმო, რომელიც საკონტეინერო და სატვირთო გადაზიდვებს განახორციელებს.

ბჟანიამ მოსახლეობას ოჩამჩირის და გალის რაიონებში აპარტ ოტელების მშენებლობის მხარდაჭერისკენ მოუწოდა, „აღმოსავლეთ ნაწილში“ ტურიზმის სექტორის გასაძლიერებლად.

მან დასძინა, რომ წინასწარი შეფასებით, რაიონის ინფრასტრუქტურაში 50 მილიარდ რუბლზე მეტი ინვესტიცია უნდა ჩაიდოს.

აფხაზეთის დე ფაქტო რესპუბლიკის ე.წ პარლამენტში შესაძლებელია „აპარტამენტების“ შესახებ კანონპროექტის განხილვა, ივლისის ბოლოს, დაჩქარებული წესით მოხდეს, ამის შესახებ ცოტა ხნის წინ აფხაზმა „დეპუტატმა“ კან კვარჩიამ განაცხადა. მისი თქმით, ეს დაზუსტებული ინფორმაციაა, რომლის თანახმადაც, დე ფაქტო პრეზიდენტს, ასლან ბჟანიას ე.წ. კანონპროექტის წარდგენა „აღმოსავლეთ აფხაზეთის განვითარების“ საბაბით სურს.

გასული წლის ოქტომბერში ბჟანიამ განაცხადა, რომ ოჩამჩირის რაიონში რუსული სამხედრო-საზღვაო ფლოტის მუდმივი ბაზის განთავსება იგეგმება.


ამავე თემაზე:

„ლასტოჩკამ“ სოჭიდან გაგრაში 23 ათასზე მეტი ტურისტი გადაიყვანა

რუსეთიდან ოკუპირებულ აფხაზეთში შემსვლელი ტურისტების რაოდენობა გაიზარდა - სოხუმი