ზუგდიდში, ზვიად გამსახურდიას გამზირზე განთავსებული შადრევნის რეაბილიტაციისთვის გამოცხადებული 14 000 ლარის ღირებულების
ტენდერი, რომელიც საპროექტო-სახარჯთაღრიცხვო დოკუმენტაციის შედგენას ითვალისწინებდა, არ შედგა. ამის შესახებ ელექტრონული შესყიდვების ვებ გვერდზე ვკითხულობთ.
რადიო
"ათინათს" მერიის პრესსამსახურში განუმარტეს, რომ შესყიდვაში მონაწილეობა არცერთმა პრეტენდენტმა არ მიიღო და ადგილობრივი ხელისუფლება ტენდერის ხელახლა გამოცხადებას გეგმავს.
![](/images/temp/2024/07/09/4eac15d7288a3a983a08a9d5e70defff.jpg)
შეგახსენებთ, ტენდერის მიხედვით, შადრევანი მწყობრიდანაა გამოსული, ვიზუალურად შელახულია და გარემო-კომპლექსთან შეუფერებელია, რის გამოც ადგილობრივმა მერიამ 13 ივლისს მისი დემონტაჟი გადაწყვიტა.
შადრევანი, რომელიც 2005-2007 წლებში განთავსდა ზუგდიდის თავისუფლების მოედანზე, რამდენიმე თვე არ ფუნქციონირებდა. მიმდინარე წლის ივლისში, პრემიერ მინისტრის გადაწყვეტილებით, ის მუნიციპალიტეტს ძირითადი, განუსხვისებელი ქონების სახით გადაეცა.
ამავე თემაზე:ზუგდიდის ცენტრალურ მოედანზე არსებული შადრევანი აიღეს (ფოტო)
ქალაქის მთავარი შადრევნის სარეკონსტრუქციო დოკუმენტაციის შედგენისთვის ადგილობრივი ბიუჯეტიდან 14 000 ლარი გამოიყო
ზუგდიდის მთავარი შადრევანი, რომელიც რამდენიმე თვეა გამორთულია, მუნიციპალიტეტს ძირითადი ქონების სახით გადაეცა
მერიაში არ ამბობენ, რამდენ ხანს იქნება გაუმართავი შადრევანი მთავარ მოედანზე
ზუგდიდში ე.წ. „მოცეკვავე შადრევანის“ დიზაინი შეიცვლება (ვიდეო)
მასალის გამოყენების პირობები