შინაგან საქმეთა სამინისტროს ნარკოლოგიური ექსპერტიზის სამსახურის სტატისტიკით, 2024 წლის მეორე კვარტალში სამეგრელოში ნარკოტიკულ ზემოქმედებაზე 77 პირი შემოწმდა.

მონაცემების მიხედვით, მათგან 63-ს ნარკოტიკული თრობა დაუდასტურდა.

შსს-ს მიერ გამოქვეყნებულ ინფორმაციაში ვკითხულობთ, რომ უწყებაში წარდგენილი და დადებითი შედეგის მონაცემებში, ასაკობრივი კატეგორიით, 25-44 წლის მოქალაქეები სჭარბობენ. ამ ჯგუფში 39 შემოწმებულიდან 33 დადასტურებული შემთხვევა აღირიცხა.

45-დან 60 წლის ჩათვლით, ნარკოტესტირება 31-მა ადამიანმა გიარა, 25-მა კი დადებითი შედეგი აჩვენა. 60 წლის ზევით შემოწმებული 7 პირიდან 5-ს ნარკოტიკული თრობა დაუდასტურდა.

ინფორმაციისთვის, იანვარ-მარტის მონაცემებთან შედარებით, გასული 3 თვის სტატისტიკა გაუმჯობესებულია. 2024 წლის პირველ კვარტალში რეგიონში ნარკოტიკულ ზემოქმედებაზე ტესტირებისთვის 114 პირი წარადგინეს, მათგან 97-ს კი თრობა გამოუვლინდა.