ზუგდიდის 67- ე საარჩევნო ოლქის 68 - ე უბანი ამომრჩევლებისთვის, 8 წუთის დაგვიანებით გაიხსნა.
უბნის თავმჯდომარის ავთანდილ დარასელიას თქმით, მიზეზი აპარატთან დაკავშირებული ტექნიკური ხარვეზი იყო, რომელიც რამდენიმე წუთში აღმოიფხვრა. 

პირველმა ამომრჩეველმა, რადიო "ათინათს" უთხრა, რომ ხმა მისცა ევროპულ მომავალს და მშვიდ ცხოვრებას.

68 - ე საარჩევნო უბანზე 1863 ამომრჩეველია რეგისტრირებული, აქიდან გადასატანი ყუთის საშუალებით 2 მოქალაქე გააკეთებს არჩევანს.

უბნის თავმჯდომარე აპარატის ტექნიკური ხარვეზის აღმოფხვრას ცდილობს

აღნიშნულ უბანზე არჩევნებს ახალგაზრდა იურისტთა ასოციაცია, საერთაშორისო გამჭვირვალობა, ადვოკატთა და იურისტთა ასოციცია და პოლიტიკური პარტიების დამკვირვებელი აკვირდება.

საქართველოში საპარლამენტო არჩევნები პირველად იმართება ელექტრონული ტექნოლოგიების გამოყენებით. ამ წესით ამომრჩევლები ხმას მისცემენ 90%-ზე მეტ საარჩევნო უბანში. 26 ოქტომბრის არჩევნებისთვის ამომრჩეველთა საერთო რაოდენობა 3 508 294-ს შეადგენს. 26 ოქტომბრის არჩევნებისთვის ამომრჩეველთა საერთო რაოდენობა 3 508 294-ია. ელექტრონული ტექნოლოგიების გამოყენებით ხმას მისცემს 3 113 747. გადასატანი ყუთის სიაში 64 238 ამომრჩეველია.
უცხოეთის სახელმწიფოებში შექმნილი საარჩევნო უბნების სპეციალურ სიებშია 95 910 ამომრჩეველი.

2024 წლის 14 ოქტომბრის მდგომარეობით, ზუგდიდის 67-ე საარჩევნო ოლქში 116 968 ამომრჩეველია რეგისტრირებული.