რუსეთის მთავრობამ სახელმწიფო დუმას წარუდგინა რატიფიკაციის ოქმი, მოსკოვსა და სოხუმს შორის საქონლით ვაჭრობის რეჟიმის 2012 წლის 28 მაისის „მთავრობათაშორის შეთანხმებაში“ ცვლილებების შეტანის შესახებ. ოქმს ხელი მოეწერა გროზნოში, 2024 წლის 16 ივლისს, წერს „ტასი“.

დოკუმენტი მიზნად ისახავს რუსეთიდან ოკუპირებულ აფხაზეთში „ექსპორტირებულ“ საქონელზე საექსპორტო საბაჟო გადასახადების გამოუყენებლობის დარეგულირებას.

ეს საშუალებას მისცემს შექმნას უფრო ხელსაყრელი პირობები საქონლის ფართო ასორტიმენტზე, მათ შორის კვების პროდუქტების, აღჭურვილობის, ნედლეულისა და სამშენებლო მასალების ფასზე დადებისთვის.

„ეს შექმნის ხელსაყრელ საფასო პირობებს პროდუქციის მნიშვნელოვანი ჩამონათვალისთვის. სიაში შედის სურსათი, აღჭურვილობა, ნედლეული და სამშენებლო მასალები. პასუხისმგებელ ორგანოებს ეძლევათ სრული უფლებამოსილება კოორდინაცია გაუწიონ მითითებული საქონლის ნომენკლატურასა და მოცულობას“, - ვკითხულობთ ინფორმაციაში.

აქვე აღნიშნულია, რომ პროტოკოლის დროებითი გამოყენება აუცილებელია, რადგან „საქონელი, რომელზედაც შემოთავაზებულია საექსპორტო ტარიფების არგამოყენება, მნიშვნელოვან როლს თამაშობს აფხაზეთის ეკონომიკასა და სოციალურ ცხოვრებაში“.

მიმდინარე წლის სექტემბერში, მოსკოვმა და სოხუმმა დაამტკიცეს საქონლის ჩამონათვალი და მოცულობა, რომელსაც რუსეთიდან ოკუპირებულ აფხაზეთში შიდა მოხმარებისთვის „უბაჟოდ“ შეიტანენ.