ზუგდიდის სკოლის მოსწავლეების ნაწილი დილიდან იფიცება. ახალგაზრდები მსვლელობას აწყობენ ზუგდიდის ქუჩებში. მანამდე, ისინი დადიანების სასახლის მიმდებარედ, ახლად აშენებულ საბიბლიოთეკო ცენტრთან შეიკრიბნენ.
მოსწავლეები აპროტესტებენ ევროინტეგრაციის შეფერხებას. მათი თქმით, დღეს იწერება ისტორია და საქართველოს ნათელი მომავალი, პირველ რიგში, ევროპისკენ სვლაა.



თბილისში და მთელი საქართველოს მასშტაბით მიმდინარე პროტესტის მონაწილე ახალგაზრდებს სოლიდარობას უცხადებენ სამგრელოს, მათ შორის, ზუგდიდის სკოლის მოსწავლეთა თვითმმართველობები.
მათი განმარტებით, ახალგაზრდები იცავენ ქვეყნის ისტორიულ მისწრაფებას - ევროპასთან ინტეგრაციას.

შეგახსენებთ,  28 ნოემბერს, ირაკლი კობახიძემ განაცხადა, რომ 2028 წლის ბოლომდე საქართველო ევროკავშირთან მოლაპარაკებების გახსნის საკითხს დღის წესრიგში არ დააყენებს, რასაც თბილისში და საქართველოს სხვადასხვა ქალაქში, მათ შორის, ზუგდიდში, საპროტესტო აქციები მოჰყვა.