ზუგდიდში, დღეს, 9 დეკმებერს, 17 საათზე, მორიგი საპროტესტო აქცია გაიმართება.
ორგანიზატორების ინფორმაციით, მოქალაქეები, სამოქალაქო აქტივისტები, სტუდენტები, აბიტურიენტები და ოპოზიციური პარტიების წარმომადგენლები ქალაქის ცენტრში, სახელმწიფო რწმუნებულის ადმინისტრაციის შენობის წინ ისევ შეიკრიბებიან.

,, თუ გაბრაზებს ის, რაც ქვეყანაში ხდება, თუ თვლი, რომ რუსულმა რეჟიმმა მიიტაცა არჩევნები და ახლა თავისუფალი სიტყვის ჩახშობას ცდილობს, თუ გულგრილად ვერ უყურებ ორგანიზებული ძალადობის კადრებს და თუ თვლი, რომ საქართველოს ერთადერთი გზა ევროკავშირისკენ მიმავალი გზაა, მაშინ გელოდებით. ყოველდღე, ზუგდიდის ცენტრალურ მოედანთან, სახელმწიფო რწმუნებულის ადმინისტრაციის შენობის წინ ვიკრიბებით გაბრაზებული მოქალაქეები, ჩვენს ხმას ვაგონებთ ქალაქს და ვიბრძვით რუსული ხელისუფლების წინააღმდეგ. აქ შენ აუცილებლად იპოვი თანამოაზრეებს. სანამ ჯერ კიდევ შეგიძლია არჩევანის გაკეთება - ხმა ამოიღო თუ გაჩუმდე, გამოდი და გააგონე ყველას შენი ხმა, გაჩუმებამ შეიძლება ეს არჩევანიც წაგართვას...'', - წერია განცხადებაში, რომელსაც სამოქალაქო სოლიდარობის ფონდი ავრცელებს.

ზუგდიდში, მოქალაქეები „ქართული ოცნების“ მიერ ევროკავშირთან მოლაპარაკებების გახსნის 2028 წლამდე შეჩერებას 11 დღეა აპროტესტებენ.

28 ნოემბრიდან, მასშტაბური პროტეტსი იმართება თბილისსა და საქართველოს სხვადასხვა ქალაქში.

ცნობისთვის, შინაგან საქმეთა სამინისტროს ინფორმაციი, 28 ნომებრიდან დღემდე, საპროტესტო აქციების ფარგლებში სისხლის სამართლის წესით 30-ზე მეტი ადამიანი დააკავეს, ხოლო ადმინისტრაციული წესით – 372.