სოხუმის ცენტრში ისევ სროლა იყო, უცნობმა პირებმა ცეცხლი გაუხსნეს აფხაზი „დეპუტატის“ ვახტანგ გოლანძიას მკვლელობაში ეჭვმიტანილი ადგურ ხარაზიას სახლს. ამის შესახებ ადგილობრივი რესურსი „აიაშარა“ იტყობინება.

შემთხვევის ამსახველი ფოტოებიდან ჩანს, რომ სამსართულიანი სახლის ფანჯრებს ნარტყვიარი ეტყობა. ამავე ცნობით, სროლას მსხვერპლი არ მოჰყოლია.


სამართალდამცავებმა ხარაზიას სახლთან კორდონი მოაწყვეს, ამავე ცნობით, მიმდინარეობს საგამოძიებო ღონისძიებები, სროლაში ეჭვმიტანილების დასაკავებლად.

შეგახსენებთ, რომ 19 დეკემბერს, „დეპუტატებს“ შორის დაპირისპირება „საკომიტეტო მოსმენაზე“ მოხდა, რა დროსაც უკანონო მაინინგის აკრძალვის საკითხს განიხილავდნენ.

თვითმხილველების ინფორმაციით, ადგურ ხარაზიამ ცეცხლსასროლი იარაღიდან გაისროლა, შედეგად, ვახტანგ გოლანძია, მიყენებული ჭრილობებისგან გარდაიცვალა, კან კვარჩია კი დაიჭრა. ხარაზია ადგილიდან მიიმალა, მას ამ დრომდე ეძებენ.


22 დეკემბერს ადგურ ხარაზიას „დეპუტატის“ იმუნიტეტი მოუხსნეს. კოლეგისთვის იმუნიტეტის ჩამორთმევისა და მის წინააღმდეგ სისხლის სამართლის საქმის აღძვრის დადგენილებას მხარი ადგილზე დე ფაქტო რესპუბლიკის პარლამენტის 28 დეპუტატმა დაუჭირა მხარი.