ზუგდიდში, 28 დეკემბერს 15:00 საათზე პროევროპული საპროტესტო აქციის დაწყებიდან 1 თვის თავზე, მოქალაქეები საპროტესტო ჯაჭვში ჩაერთვებიან.

ღონისძიების აღწერის თანახმად, ზუგდიდში ჯაჭვი გაკეთდება შემდეგ მარშრუტზე: დადიანების სასახლე, სკეიტპარკი, რაფიელ ერისთავის ბიუსტი, თავისუფლების მოედანი.

,, ოჯახის წევრებთან, მეგობრებთან და სხვა თანამოაზრეებთან ერთად ჩადექი ერთობის ჯაჭვში, დააფიქსირე შენი პოზიცია, რომ საქართველო აუცილებლად უნდა დაუბრუნდეს ევროინტეგრაციის გზას! მოითხოვე სამართლიანობა, თავისუფლება რეჟიმის პატიმრებს!დაინიშნოს ხელახალი არჩევნები! საქართველო იყო, არის და იქნება ევროპა! ირო წიმი ევროპაშა! ’’, – ნათქვამია ორგანიზატორთა განცხადებაში.

„ერთობის ჯაჭვი საქართველოსთვის“, მთელი ქვეყნის მასშტაბით არის დაგეგმილი.

შეგახსენებთ, 28 ნოემბრიდან, თბილისსა და საქართველოს სხვა ქალაქებში, მათ შორის, ზუგდიდში, პერმანენტული საპროტესტო აქციები იმართება. მოქალაქეები აპროტესტებენ „ქართული ოცნების“ გადაწყვეტილებას, საქართველოს ევროკავშირთან მოლაპარაკებების შეჩერების შესახებ.