საქართველოს ეკონომიკისა და მდგრადი განვითარების მინისტრმა ლევან დავითაშვილმა სამთავრობო სხდომის დასრულების შემდეგ, ქვეყნის ეკონომიკურ მაჩვენებლებზე კომენტარისას, ანაკლიის პორტზე ისაუბრა.

მან აღნიშნა, რომ პორტის პროექტის სამუშაოები სწრაფი ტემპით, გრაფიკის შესაბამისად მიმდინარეობს, რაც, მისი თქმით, გულისხმობს როგორც ადგილზე კონკრეტული მასალების მობილიზებას, ასევე, საჭირო ლაბორატორიული კვლევების ჩატარებას.

„ძალიან სწრაფი ტემპით მივდივართ. როდესაც მოხდა კონტრაქტორის შერჩევა, ასევე, კონსორციუმში იყო წამყვანი დიზაინ კომპანიაც, რომელიც ნომერ ერთია და მათთან ერთად მოხდა საპროექტო პირობების და დეტალების დაზუსტება. ამიტომ, პროექტი უფრო მეტად კონკურენტუნარიანი და ეფექტიანი იქნება განხორციელებისას. ის უფრო სწრაფად განხორციელებადიც იქნება. სამუშაოები მიდის პარალელურად, მათ შორის ხდება ძირითადი ინერტული მასალის მობილიზება ტერიტორიაზე, მიმდინარეობს ლაბორატორიული კვლევებიც, რაც საჭიროა. თვის ბოლოს, დანიაში დაგეგმილია ძირითადი ტალღების ზემოქმედების ჩატარება, რომელიც თებერვლამდე დასრულდება. სამუშაოები გრაფიკის მიხედვით მიდის“, - თქვა დავითაშვილმა.

ცნობისთვის, 2025 წლის სახელმწიფო ბიუჯეტის პირველადი პროექტის მიხედვით, აღნიშნული პროექტისთვის საჭირო წყლის ინფრასტრუქტურის მშენებლობა 150 მლნ ლარით დაფინანსდება.

პროექტის კერძო პარტნიორის შერჩევის ეტაპი წარმატებით გაიარეს შვეიცარიულ-ლუქსემბურგულმა და ჩინურ-სინგაპურულმა კომპანიებმა.

მთავრობამ, 29 მაისს, ჩინურ-სინგაპურულო კომპანია (China Communications Construction Company Limited (ჩინეთი) & China Harbour Investment Pte. Ltd (სინგაპური) ანაკლიის პორტის პროექტის შესარჩევ კონკურსში უპირატეს მონაწილედ გამოაცხადა.

აშშ-ის სახელმწიფო დეპარტამენტის განმარტებით, აღნიშნული კომპანია ამერიკის მთავრობამ სამხედრო, სადაზვერვო-კვლევით საქმიანობაში, იარაღისა და სამხედრო აღჭურვილობის წარმოების განვითარებაში ამხილა. მათი თქმით, კონსორციუმს აქვს თაღლითობასა და კორუფციაში მონაწილეობის ისტორიაც.

პორტის ინფრასტრუქტურის მშენებლობაზე კი ბელგიურ კომპანია "Jan De Nul"-თან მოლაპარაკებები 29 აგვისტოს დასრულდა და ხელშეკრულება გაფორმდა. ამ ეტაპზე, აკვატორიის ფსკერის დაღრმავებითი და ტალღისმჭრელის პროექტირება/მშენებლობისთვის მოსამზადებელი სამუშაოები მიმდინარეობს.


ამავე თემაზე:

პროექტის პირველი ფაზა, გეგმის თანახმად, 2029 წლისთვის დასრულდება - ირაკლი კობახიძე ანაკლიის პორტის მშენებლობაზე

ანაკლიის ღრმაწყლოვანი პორტი ოპერირებას 2029 წელს დაიწყებს, - ლევან დავითაშვილი

ანაკლიაში სამშენებლო სამუშაოებისთვის საზედამხედველო მომსახურების შესყიდვის ტენდერი მეორედ გამოცხადდა

პორტის პროექტირებისთვის ადგილზე სხვადასხვა სამუშაო დაიწყო - ანაკლიის საზღვაო ნავსადგური

ანაკლიის პორტის ინფრასტრუქტურის მშენებლობაზე ხელშეკრულება “Jan De Nul”-თან გაფორმდა

ეკონომიკის მინისტრის თქმით, ანაკლიის პორტის მშენებელი კომპანია ხვალ გამოვლინდება

ანაკლიის პორტის მშენებლობისთვის მეორე ეტაპზე ჩინური და შვეიცარული კომპანიები გადავიდნენ

ჩინურ კომპანიას აქვს თაღლითობასა და კორუფციაში მონაწილეობის ისტორია - აშშ-ის სახდეპი ანაკლიის პროექტზე

ანაკლიის ღრმაწყლოვანი პორტი ჩინეთმა არ უნდა ააშენოს - აშშ-ის სახელმწიფო მდივნის მოადგილე

ჩინეთთან ბიზნესის კეთებისას მნიშვნელოვანია ჩატარდეს საფუძვლიანი გამოკვლევა - აშშ-ის სახდეპი