დღეს, 27 იანვარს, ზუგდიდის რაიონულმა სასამართლომ ე.წ სახის დამფარავი საშუალების აქციაზე ტარებისთვის პარტია "დროას" ადგილობრივი წარმომადგენელი მარიამ სიჭინავა დააჯარიმა. მას ადმინისტრაციული სახდელის სახით 2000 ლარი დაეკისრა.

ბრალდების მხარე სიჭინავას, 23 იანვარს, ზუგდიდში მიმდინარე აქციაზე შარფის გამოყენებით სახის დაფარვას ედავებოდა, რაც ადმინისტრაციულ სამართალდარღვევათა კოდექსის 174-ე მუხლის მე-5 ნაწილის, ანუ შეკრების ან მანიფესტაციის ორგანიზებისა და ჩატარების წესის დარღვევას გულისხმობს.

პროტესტის ნიშნად, აქტივისტი სასამართლო პროცესზე ბიძინა ივანიშვილის გამოსახულებიანი ნიღბით მივიდა და ამ ფორმით, კიდევ ერთხელ გამოუცხადა დაუმორჩილებლობა კანონს, რომელიც მანიფესტაციისას ნიღბის გამოყენებას კრძალავს.

სასამართლოს შენობის მიმდებარედ, შალვა ესართიამ ყაველაშვილის მიერ ხელმოწერილი კანონი სახის დაფარვით გააპროტესტა.

ამასთან, ზუგდიდში მიმდინარეო უწყვეტ აქციებზე "დროას" აქტივისტი ორჯერ დააკავეს. მას გამოძიება, ორივე შემთხვევაში, შეკრების ან მანიფესტაციის ორგანიზებისა და ჩატარების წესის დარღვევას ედავებოდა. სასამართლომ ადმინისტრაციულ პასუხისმგებლობად 5000-5000 ლარი დააკისრა.

გარდა ამისა, ზუგდიდში პროევროპულ აქციებზე ე.წ ბალაკლავას ტარებისთვის 2000-2000 ლარით დაჯარიმებულია აქტივისტები კერენ ესებუა და ცაბუნია ვართაგავა. 16 იანვარს, ესებუა ფეიერვერკის გასროლის გამო დააკავეს და 18 იანვარს 5000 ლარის ოდენობის ჯარიმით გაათავისუფლეს.


ამავე თემაზე:

მარიამ სიჭინავა ბალაკლავის ტარების გამო სამართალდამრღვევად ცნეს და 2000 ლარით დააჯარიმეს

სასამართლომ მარიამ სიჭინავა და კერენ ესებუა 5-5 ათასი ლარით დააჯარიმა (ფოტო)

სასამართლომ მარიამ სიჭინავა 5000 ლარის ოდენობის ჯარიმით გაათავისუფლა

ზუგდიდში მასწავლებელი დააკავეს (ფოტო/ვიდეო)

ზუგდიდში აქციაზე მარიამ სიჭინავა და კერენ ესებუა დააკავეს