ზუგდიდში, სახელმწიფო რწმუნებულის ადმინისტრაციის შენობასთან პროევროპული პროტესტი გრძელდება. უწყვეტი აქციების მე-80 დღეს, მოქალაქეები კვლავაც 18:00 საათიდან შეიკრიბნენ და მსგავსად წინა კვირებისა, პოლიტიკური პატიმრების დაუყოვნებლივ გათავისუფლება და ხელახალი, სამართლიანი არჩევნების დანიშვნა მოითხოვეს.

პროტესტის მონაწილეებმა ადგილზე ბანერი მიიტანეს, რომელზეც, სიმბოლურად, ჩამოთვლილი იყო „ქართული ოცნების“ 80 დანაშაული. ამასთან, აქციაზე იყო საპროტესტო ტრანსპარანტები წარწერებით „არ იქნება სამართალი, არ იქნება მშვიდობა“, “თავისუფლება მზია ამაღლობელს“, „აჯანყდი“.

ზუგდიდსა და საქართველოს სხვა ქალაქებში სხვადასხვა თაობის ადამიანები, მათ შორის, სამოქალაქო სექტორის, არასამთავრობო ორგანიზაციების და ოპოზიციური პარტიების წარმომადგენლები საპროტესტო აქციებს 2024 წლის 28 ოქტომბრიდან მართავენ. ამ დღეს, ირაკლი კობახიძემ განაცხადა, რომ 2028 წლის ბოლომდე საქართველო ევროკავშირთან მოლაპარაკებების გახსნის საკითხს დღის წესრიგში არ დააყენებს.

ამავე თემაზე:

პროევროპული აქციების 77-ე დღე ზუგდიდში

„თავისუფლება მზია ამაღლობელს“, „თავისუფლება შაკოს“, - მორიგი აქცია ზუგდიდში პროტესტის 64 - ე დღეს

პროევროპული პროტესტის 75-ე დღე - ზუგდიდში მორიგი აქცია გაიმართა

პროტესტის 58-ე დღეს, აქციებზე დაკავებულებს ზუგდიდში მხარდაჭერა გამოუცხადეს (ფოტო/ვიდეო)

ზუგდიდში აქციები გრძელდება - პროტესტის 56- ე დღე (ფოტო)

„არ დავბრუნდებით წარსულში“, - ვასო აბაშიძის სახელობის „ახალმა თეატრმა“ ზუგდიდში საპროტესტო მანიფესტი გამართა