წალენჯიხის მუნიციპალიტეტში ძლიერი თოვის გამო, საგანგებო რეჟიმში მუშაობს სპეციალური ტექნიკა, ამ დრომდე მიმდინარეობს გზების გაწმენდისა და ტექნიკური მარილის დაყრის სამუშაოები. ამის შესახებ რადიო „ათინათს“ წალენჯიხის მუნიციპალიტეტის მერის მოადგილემ თამარ ბელქანიამ უთხრა.

როგორც მან აღნიშნა, ამ დროისთვის იწმინდება შიდა საუბნო გზები.

„მიუხედავად იმისა, რომ მთელი ღამის განმავლობაში მუშაობდა სპეცტექნიკა, თორმეტი ესკალატორი,ასევე, გრეიდერი და ტრაქტორი. ადამიანური და ტექნიკური რესურსები გადანაწილებულია 14 ადმინისტრაციულ ერთეულზე. ტექნიკური მარილი დაყრილია. ახლა მიმდინარეობს შიდა საუბნო გზების გაწმენდა. ამ წუთას ვიმყოფები ობუჯში, სადაც საკმაოდ დიდი თოვლია. დაახლოების 40 სანტიმეტრზე მეტრია. კარგად მუშაობს ცხელი ხაზი, სადაც ადამიანებს, რომლებსაც დახმარება სჭირდებათ გვიკავშირდებიან და ჩვენ რეაგირებას ვახდენთ. შექმნილია საკოორდინაციო საბჭო. ვმუშაობთ, რათა სტიქიას წინააღმდეგობა გავუწიოთ.

მიუხედავად იმისა, რომ გზები გაწმენდილია და ტექნიკური მარილი დაყრილია, ადამიანებს, რომლებსაც გადაუდებელი აუცილებლობა არ აქვთ, თუ მათ მანქანას არ აქვს საბურავებზე მოცურების საწინააღმდეგო ჯაჭვები მუნიციპალიტეტის დატოვებას არ ვურჩევდი, რადგან არ ვიცი რა ვითარებაა მეზობელ მუნიციპალიტეტებში“, - აღნიშნავს მერის მოადგილე.

ბელქანია განმარტავს, რომ, ამ დროისთვის, მუნიციპალიტეტს ელექტროენერგია, ბუნებრივი აირი და ინტერნეტი უწყვეტად მიეწოდება. ადმინისტრაციული ერთეულების საბავშვო ბაღებში სააღმზრდელო პროცესი შეჩერებულია.~


ფოტო: თამარ ბელქანიას FB გვერდი