წალენჯიხაში ხანძარია , ცეცხლი რამდენიმე ლოკაციაზეა გაჩენილი
წალენჯიხაში ხანძარია, მუნიციპალიტეტის მერის მოადგილის თამარ ბელქანიას ინფორმაციით, ცეცხლი 25 სხვადასხვა ლოკაციაზეაა გავრცელებული.
მისივე ცნობით, საჩინოში ხანძრის კერა თანდათან დასახლებულ პუნქტს უახლოვდება, მან უკვე დააზიანა რამდენიმე სასაფლაო.
„მუნიციპალიტეტში ორი სახანძრო მანქანაა, ორივე ადგილზე მუშაობს თუმცა ქარი ართულებს ცეცხლის ლიკვიდაციას. სავარაუდოდ ცეცხლის მიზეზი არის მოსახლეობის მხრიდან მიწის საგაზაფხულოდ მოსამზადებლად ძველი მცენარეების დაწვა, რაც დასჯადი ქმედებაა! ამ ეტაპზე ველოდებით რეგიონიდან დამხმარე სახანძრო მანქანებს.
112 - ში შეტყობინება უკვე შესულია. ადგილზე დენის მიწოდებაა შეწყვეტილი. სახანძროს მუშაობის შემდეგ ჩაერთვება საქ.ენერგო, რომელიც დაზიანებულ დენის სადენებს აღადგენს", - წერს ბელქანია სოციალურ ქსელში.
მასალის გამოყენების პირობები