ზუგდიდში, ფოსტის ყოფილი შენობის ფასადზე განთავსებული პანოს რეაბილიტაცია დაიწყო. ინიციატივა ადგილობრივ მერიას ეკუთვნის, სამუშაოები კი განახლებული რეგიონის პროექტის ფარგლებში მიმდინარეობს.
![](/images/temp/2021/10/22/123520b9d7c2127f6fa9daa2471c4a76.jpg)
მერიაში ამბობენ, რომ აღდგენითი სამუშაოები ყველა შესაბამისი სტანდარტის გათვალისწინებით ჩატარდება.
"პანო არ დაკარგავს თავის არქიტექტურულ სახეს. სარესტავრაციო-სარეაბილიტაციო პროცესში ჩართულია კომპეტენტური პირები, სწორედ მათი რეკომენდაციით, ამ ეტაპზე ხდება მისი ქვიშის ჭავლით გაწმენდა, ასევე, აღდგება დაზიანებული უბნები", - გვითხრეს მერიაში.
![](/images/temp/2021/10/22/0163daba7674081358f968979c6eb526.jpg)
დეკორაცია საფოსტო სერვისების პოპულარიზაციის მიზნით, 1982-83 წლებში დაამონტაჟეს. ქალაქის მაშინდელი ხელმძღვანელობის დაკვეთით ის ზურაბ წერეთლის სახელოსნოში დაამზადეს.
![](/images/temp/2021/10/22/fb6cdec1f236a84b553eba2e6607a846.jpg)
აღნიშნულ პანოზე მასალა რადიო
"ათინათმა" 2 წლის წინ მოამზადა.
ამავე თემაზე:
ფოსტის განვითარების ისტორია კედელზე - პანო ზუგდიდში (ფოტო)
მასალის გამოყენების პირობები