დღეს, ზუგდიდის მერიის საკიონფერენციო დარბაზში ასოციაცია "ათინათმა" პროექტის - "მომავლის თაობა" საზეიმო პრეზენტაცია გამართა. პრეზენტაციას დირექტორები, მასწავლებლები და  ადგილობრივი მთავრობის წარმომადგენლები ესწრებოდნენ. სამოქალაქო განათლების ახალი პროგრამის მიზანია ხელი შეუწყოს სკოლებში სამოქალაქო განათლების  ხარისხის ამაღლებას. პროექტი ამერიკული ორგანიზაცია,  PH international-ი ამერიკის შეერთებული შტატების საერთაშორისო განვითარების სააგენტოს ფინანსებით და საქართველოს განათლების სამინისტროს მხარდაჭერით ხორციელდება. პროგრამა  საქართველოს ყველა რეგიონს მოიცავს და 485 საჯარო და კერძო სკოლას გაუწევს დახმარებას, მათ შორის სამეგრელოს რეგიონის 53  საჯარო სკოლას. ამასთან, პროგრამის ფარგლებში სკოლები დამხმარე სახელმძღვანელოებს, სკოლისა და საზოგადოების სასარგებლო პროექტების განხორციელებისთვის მცირე გრანტებს მიიღებენ. აგრეთვე, დაგეგმილია პედაგოგების  გადამზადება. პროგრამას სამეგრელო-ზემო სვანეთის რეგიონში ასოციაცია "ათინათი" ახორციელებს.