გადაცემის სტუმრები - პროექტის მენეჯერი საქართველოში - ნანა გოგოხია, იუსტიციის სამინისტროს „დანაშაულის პრევენციის ცენტრის“ სოციალური სამუშაოს სპეციალისტი - ნანა ფიფია და სამეგრელო ზემო სვანეთის პრობაციის ბიუროს ფსიქოლოგი - ნანა ფაცაცია.

პროექტის შესახებ:

ბოლო ხუთი წლის განმავლობაში საქართველოს მთავრობამ დაიწყო მართლმსაჯულების სექტორის საფუძვლიანი რეფორმა და პრობაციის სისტემაში მნიშვნელოვან პროგრესს მიაღწია. ეს პროგრესი, მათ შორის, ევროკავშირის მიერ დაფინანსებული სხვადასხვა მრავალფეროვანი პროგრამის დამსახურებაცაა. მიუხედავად ამისა, ქვეყანა ჯერ კიდევ საჭიროებს სხვადასხვა შემავსებელ სარეაბილიტაციო მომსახურებებს, რომლებიც ყოფილ მსჯავრდებულებს და პრობაციონერებს მისცემს კიდევ ერთ შესაძლებლობას საზოგადოებასა და დასაქმების ბაზარზე დასაბრუნებლად. 2014-2016 წლებში “Hilfswerk Austria International“- თან ერთად იძულებით გადაადგილებულ ქალთა ასოციაცია „ თანხმობამ“, ევროკავშირის დაფინანსებით, შიდა ქართლის რეგიონში წარმოადგინა ინტეგრაციული ტრენინგებისა და რეინტეგრაციის პროცესის მხარდაჭერის წარმატებული მოდელი, რომლის ფარგლებშიც, 150 მონაწილის ნახევარზე მეტი დასაქმდა ან დაიწყო საკუთარი ბიზნესი.



ევროკავშირის პროექტის „ევროკავშირი სამართლიანობისთვის პროგრამა“ მეორე ეტაპის ფარგლებში, 2017 წლიდან დაიწყო პროექტის ახალი ეტაპი, რომელიც ხორციელდება საქართველოს სასჯელაღსრულებისა და პრობაციის სამინისტროს, სსიპ დანაშაულის პრევენციის ცენტრის და განათლებისა და მეცნიერების სამინისტროსთან თანამშრომლობით. 

პროექტის ამოცანაა ხელი შეუწყოს ყოფილი პატიმრების, მათი ოჯახის წევრების და პრობაციონერების რეაბილიტაციასა და რესოციალიზაციის პროცესს საქართველოში, რათა მათ შეძლონ „ნაბიჯ - ნაბიჯ“ შექმნან უკეთესი მომავალი საკუთარი თავისა და ოჯახებისთვის. 

დაინტერესებულმა პირებმა უნდა მოგვმართონ

ზუგდიდი : კომბინატის დასახლება, ლეხ და მარია კაჩინსკას ჩიხი 1.
ტელ: 599 00 47 33
სამეგრელოს პრობაციის ტერიტორიულ ბიუროს : ქ. ზუგდიდი , კოსტავას ქ. 58 ტელ: 27 07 30 06
დანაშაულის პრევენციის ცენტრი: ცხელი ხაზი: +995 32 214 51 45. მისამართი: ზუგდიდის იუსტიციის სახლი.