ახალი ამბები
რუსეთში აფხაზეთიდან მხოლოდ რუსული პასპორტით შეძლებენ შესვლას - მედია
აფხაზური ტელეგრამის არხების ინფორმაციით, 2024 წლის 1 მარტიდან „ორმაგი მოქალაქეობის“ მქონე პირები ფსოუზე „საზღვრის“ გადაკვეთას მხოლოდ რუსული და არა ე.წ. „აფხაზური“ პასპორტით შეძლებენ, წერს „ეხო კავკაზა“.

ამის დასტურად მოყვანილია ამონაწერი რუსეთის ფედერაციის ფედერალური კანონის მე-10 მუხლიდან, რომელშიც ნათქვამია, რომ „რუსეთის ფედერაციის მოქალაქე, რომელსაც აქვს ორმაგი მოქალაქეობა, განიხილება რუსეთის ფედერაციის მიერ მხოლოდ როგორც რუსეთის ფედერაციის მოქალაქე, განურჩევლად მისი საცხოვრებელი ადგილისა, გარდა ფედერალური კანონით ან რუსეთის ფედერაციის საერთაშორისო ხელშეკრულებით გათვალისწინებული შემთხვევებისა“.

კანონის ამ მუხლის განმარტებაში ნათქვამია, რომ რუსეთის ფედერაციასა და აფხაზეთის დე ფაქტო რესპუბლიკას შორის „ორმაგი მოქალაქეობის საკითხების მოგვარების შესახებ“ შეთანხმება ძალაში არ შესულა.

ე.წ. პარლამენტის „სამართლებრივი პოლიტიკის კომიტეტის თავმჯდომარემ “ დაუთ ხუტაბამ განმარტა, რომ „ორმაგი მოქალაქეობის საკითხების შესახებ შეთანხმება რატიფიცირებულია „აფხაზეთისა და რუსეთის პარლამენტების მიერ და ძალაშია შესული“, თუმცა, მასში არაფერია ნათქვამი იმის შესახებ, თუ რომელი საბუთები უნდა გამოიყენონ „რუსეთის მოქალაქეობის არმქონე აფხაზეთის მცხოვრებლებმა საზღვრის გადაკვეთისთვის“.

გამოცემა წერს, რომ დღემდე აფხაზეთის დე ფაქტო რესპუბლიკაში მცხოვრები მოქალაქეები თავისუფლად შედიოდნენ და ტოვებდნენ რუსეთის ფედერაციას „აფხაზური პასპორტებით“, რუსეთის სასაზღვრო სამსახურები გასცემდნენ „საიმიგრაციო ბარათს“ და არ მოითხოვდნენ რუსეთის პასპორტს.

აქვე აღნიშნულია, რომ მასალის გამოქვეყნების შემდეგ „აფხაზურ მედიაში“ გაჩნდა ოფიციალური ინფორმაცია „რუსულ - აფხაზური საზღვრის ტელეგრამის არხების მითითებით“, რომ ამიერიდან „აფხაზეთის მოქალაქეებს რუსეთში შესვლა და გამოსვლა მხოლოდ რუსული პასპორტით შეეძლებათ. საზღვრის „აფხაზური პასპორტებით“ გადაკვეთის მცდელობისას, მათ დაეკისრებათ ადმინისტრაციული პასუხისმგებლობა. რუსეთის ფედერაციიდან „აფხაზური პასპორტით“ გასვლა იკრძალება.

სოხუმმა 2023 წლის აპრილში ისევ მოითხოვა "აფხაზური პასპორტის" სამოგზაურო დოკუმენტად აღიარება. ამის შესახებ აფხაზურმა დელეგაციამ, ჟენევის საერთაშორისო მოლაპარაკებების 57- ე რაუნდზე, სხვადასხვა ჰუმანიტარული, მათ შორის, "განათლების წვდომის და სამედიცინო უზრუნველყოფის" საკითხების განხილვისას, განაცხადა.

რუსეთის მიერ ოკუპირებული აფხაზეთის და ცხინვალის რეგიონის მცხოვრებთა უდიდეს ნაწილს ადგილობრივი ე.წ. მოქალაქეობის გარდა, რუსეთის მოქალაქეობაც და შესაბამისად, რუსული პასპორტები აქვს.

რუსეთი სამგზავრო დოკუმენტებს გასცემს ანექსირებულად გამოცხადებულ ყირიმში და დონეცკის, ლუგანსკის, ხერსონის და ზაპოროჟიეს ოლქებშიც.

2022 წლის დეკემბერში ევროკავშირის საბჭომ მიიღო გადაწყვეტილება არ მიიღოს საქართველოს და უკრაინის ოკუპირებულ რეგიონებში რუსეთის მიერ გაცემული პასპორტები და სხვა სამოგზაურო დოკუმენტები.



Print Email
FaceBook Twitter
დაფინანსებული
სენადექსინი საფაღარათო საშუალებაა, რომელიც სინამაქის ფოთლების მშრალ ექსტრაქტს შეიცავს.
ზუგდიდის დიაგნოსტიკურ ცენტრ “ჯან-მედის” გინეკოლოგიური განყოფილება ტექნიკური და პროფესიული განვითარების ახალ ეტაპზე გადავიდა. კლინიკაში დამონტაჟდა უახლესი თაობის დიაგნოსტიკური აპარატი - კოლპოსკოპი.
ეუკარბონი საქართველოში ერთ-ერთი ყველაზე პოპულარული მედიკამენტია, რომელიც იმ დროს უნდა მიიღოთ, როდესაც ყაბზობა და მასთან დაკავშირებული სიმპტომები "შემოგიტევთ".
სტატია
დღის სიახლეები
31 / ივლისი 2025
დღევანდელ გადაცემაში საუბარია მეგრულ ტრადიციულ გართობასა და თამაშებზე – როგორ აერთიანებდნენ ფიზიკურ სიმარდეს, გონიერებასა და გუნდურობას მარულა-ჯირითში, ქუდობაიაში, ჭიდაობასა და სხვა სახალხო თამაშებში.
24 / ივლისი 2025
სამეგრელოში ბავშვების აღზრდა მხოლოდ ოჯახის საზრუნავი არ იყო – ეს იყო მთელი საზოგადოების საქმე. ხალხური წესები და ტრადიციები ბავშვს დაბადების პირველივე დღიდან თან ახლდა. ისინი არა მხოლოდ ზრუნავდნენ ფიზიკურ ზრდაზე, არამედ აყალიბებდნენ პიროვნებასაც – თავისი წესებით, რიტუალებითა და ღირებულებებით.დღევანდელ გადაცემაში გაგაცნობთ იმ საინტერესო წეს-ჩვეულებებს, რომლებიც ბავშვობის ყველა ეტაპს თან სდევდა და რომლებიც დღესაც აღაფრთოვანებს მკვლევრებსა და თაობებს.
17 / ივლისი 2025
ნოდი", ანუ "ნადი", არ იყო მხოლოდ შრომითი ურთიერთდახმარების გრაფიკი ან ტრადიცია. ეს, ძირითადად, იყო კოლექტიური შრომის ერთ-ერთი გზა, როცა ადამიანები ერთობლივად მუშაობდნენ, ხშირად სანაცვლოდ, ერთად. პატარა ოჯახში შრომის სქესობრივი დანაწილება ვერ ხდებოდა ყოველთვის, მაგრამ კოლექტიურ შრომაში ეს პროცესი მაინც იცვლებოდა.დღევანდელ გადაცემაში საუბარია თუ როგორ მიმდინარეობდა "ნოდის" ტრადიცია, როგორ ნაწილდებოდა დღის განმავლობაში შრომის ფუნქციები და როგორ უნდოდა თითოეულ წევრს, რომ ამ პროცესში საკუთარი როლი ეპოვა.
დილის ჩართვა
ოდაბადეშ კინოხონი
დადიანების სასახლეთა საგანძური
ჩვენი თვითმმართველობა
არქივი
«« აგვისტო 2025 »»
28293031 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
ამინდი
ზუგდიდი 17 °C
img
სოხუმი 15 °C
img
ფოთი 15 °C
img
მესტია 5 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.