ზუგდიდში ახალაზრდების მიერ ორგანიზებული საპროტესტო აქცია ,,აგენტების კანონის'' საწინააღმდეგოდ დღეს დასრულებულია.
![](/images/temp/2024/05/04/818158dfd28905c258a1f5dc485ac134.jpg)
ახალგაზრდებმა ზვიად გამსახურდიას ბიუსტთან თავი მას შემდეგ მოიყარეს, რაც ქალაქის ცენტრალური ნაწილი და ბაზრის მიმდებარე ტერიტორია მსვლელობითა და საპროტესტო შეძახილებით მოიარეს.
ახალგაზრდების თქმით აუცილებელია, რომ მუხტი იყოს არა მხოლოდ დედაქალაქში, არამედ რეგიონებში.
![](/images/temp/2024/05/04/d06f73248667950d1df9797cd8df65e3.jpg)
აქციის გამო გარკვეული პერიოდი საავტომობილო მიმოსვლა შეიზღუდა, თუმცა მალევე აღდგა. დემონსტრანტებს მოქალაქეები ავტომობილებიდან სიგნალებით უერთდებოდნენ და ამხნევებდნენ.
![](/images/temp/2024/05/04/b6b4d4a29501728884c116112b056515.jpg)
ამ დღეების განმავლობაში ეს პირველი შემთხვევა, როცა მსვლელობა ქალაქის ცენტრალურ ბულვარს გაცდა.
![](/images/temp/2024/05/04/fef645e611a422e06b6d5fc597ed4572.jpg)
შეგახსენებთ, 3 აპრილს "ქართული ოცნების" აღმასრულებელმა მდივანმა მამუკა მდინარაძემ თქვა, რომ მმართველი პარტია "უცხოური გავლენის გამჭვირვალობის შესახებ" კანონს მეორედ დააინიცირებდა. საქართველოს პარლამენტის ბიურომ კანონპროექტი 8 აპრილს დაარეგისტრირა.
საქართველოს პარლამენტმა, 83 ხმით, "უცხოური გავლენის გამჭვირვალობის შესახებ" კანონპროექტი პირველი მოსმენით
17 აპრილს, ხოლო მეორე მოსმენით,
1 მაისს მიიღო. კანონპროექტის განხილვა მრავალათასიანი აქციების ფონზე მიმდინარეობს, პროტესტები უკვე მესამე კვირაა უწყვეტად მიმდინარეობს თბილისსა და საქართველოს სხვა ქალაქებში, მათ შორის ზუგდიდში.
ამავე თემაზე:,,არა რუსულ კანონს" - დემონსტრანტების მორიგი აქცია ზუგდიდში (ფოტო)
"არა რუსულ კანონს" - დღეს ზუგდიდის მერიის წინ მორიგი აქცია გაიმართება
რატომ არა ე.წ აგენტების კანონს - ზუგდიდელების პასუხები (ფოტო/ვიდეო)
რადიო "ათინათი" სხვა მედიებთან ერთად ე.წ აგენტების კანონის პარლამენტში წარდგენას აპროტესტებს
რუსული კანონით აფხაზეთს ვერ დავიბრუნებთ - აქცია ზუგდიდში (ფოტორეპორტაჟი)
მასალის გამოყენების პირობები