ზუგდიდში "აგენტების" კანონის მოწინააღმდეგე მოქალაქეები, სამოქალაქო აქტივისტები, არასამთავრობო ორგანიზაციები წარმომადგენლები, მერიიდან დაიძრნენ და მსვლელობა ქალაქის სხვადასხვა ქუჩაში მოაწყეს.
![](/images/temp/2024/05/28/9e2c309020c2685338c5d0b1c1faca5c.jpg)
მათ აღმაშენებლისა და კოსტავას გამზირი შეძახილებით მოიარეს, რამაც რამდენიმე წუთით მოძრაობის შეზღუდვა გამოიწვია. ისინი, ასევე, ჩერდებოდნენ ზებრა გადასასვლელებზე.
![](/images/temp/2024/05/28/063e26c670d07bb7c4d30e6fc69fe056.jpg)
პროტესტის მონაწილეები სკანდირებდნენ "არა რუსულ კანონს", "საქართველოს გაუმარჯოს", ასევე მოუწოდებდნენ ადამიანებს, რომლებიც მათ გზადაგზა ხვდებოდნენ, მათ შორის, ავტომობილების მძღოლებს, პროტესტის მხარდაჭერისკენ.
![](/images/temp/2024/05/28/900ed5ed4aeef20ab790a57aeb7fc796.jpg)
მათ გამოიარეს პირველი საჯარო სკოლა, სკოლაში მყოფი მოსწავლეები მათ ოვაციებით და შეძახილებით შეხვდნენ.
![](/images/temp/2024/05/28/d403137434343677b98efc88cbd5493d.jpg)
აქციის მონაწილეებს ,,სიგნალებით'' ამხნევებდნენ ავტომობილების მძღოლებიც.
![](/images/temp/2024/05/28/4f31e209e022bbda5d0246b3e5ab6c38.jpg)
მათ აქციის მიმდინარეობისას შეიტყვეს, რომ პარლამენტმა "აგენტების" კანონზე პრეზიდენტის ვეტო დაძლია. პროტესტანტები ამ წუთებში "ქართული ოცნების" ოფისთან არიან. მათი თქმით, ქვეყნის ევროპული მომავლისთვის ბრძოლას განაგრძობენ და ამ კურსიდან გადახვევას არ შეურიგდებიან.
![](/images/temp/2024/05/28/c6e81542b125c36346d9167691b8bd09.jpg)
საქართველოს პარლამენტმა პლენარულ სხდომაზე, კვლავ 84 ხმით, "აგენტების" კანონზე პრეზიდენტის ვეტო დღეს დაძლია. პარალელურად, პარლამენტის მიმდებარე ტერიტორიაზე საპროტესტო აქცია სახელწოდებით "რუსული კანონით არ ვიცხოვრებთ" დილიდან მიმდინარეობს.
ამავე თემაზე:
პარლამენტმა "აგენტების" კანონზე პრეზიდენტის ვეტო დაძლია
ზუგდიდში მერიის შენობასთან „აგენტების“ კანონს კვლავ აპროტესტებენ (ფოტო)
რადიო "ათინათი" სხვა მედიებთან ერთად ე.წ აგენტების კანონის პარლამენტში წარდგენას აპროტესტებს
რატომ არა ე.წ აგენტების კანონს - ზუგდიდელების პასუხები (ფოტო/ვიდეო)
რუსული კანონით აფხაზეთს ვერ დავიბრუნებთ - აქცია ზუგდიდში (ფოტორეპორტაჟი)ქვარაია, თოლორაია, ბერაია, ხახუბია - "აგენტების კანონის" მხარდამჭერები სამეგრელოდან
მასალის გამოყენების პირობები