მოსკოვში აცხადებენ, რომ სოხუმთან საინვესტიციო შეთანხმების საკითხს, ისევ დაუბრუნდებიან, თუმცა, ამჯერად, “უზრუნველყოფენ ორმხრივი ინტერესების ბალანსს, მათ შორის აფხაზეთის მოსახლეობისა და ბიზნესისთვის“, ამის შესახებ რუსეთის ვიცე - პრემიერმა ალექსნდრ ნოვაკმა, აფხაზეთის დე ფაქტო რესპუბლიკის „პრეზიდნეტობის“ კანდიდატთან, ბადარა გუნბასთან მოსკოვში გამართულ შეხვედრაზე განაცხადა, წერს „აფსნიპრესი“.

„ეს იქნება დოკუმენტი, რომელიც ითვალისწინებს ყველა მხარის ინტერესებს“, - აღნიშნა მან.

ბადრა გუნბამ, თავის მხრივს, ხაზი გაუსვა, რომ ”აფხაზეთი გააგრძელებს რუსეთიდან ინვესტიციების მოსაზიდად პირობების შექმნას“.

ცნობისთვის, დე ფაქტო რესპუბლიკის ყოფილი “პრეზიდენტი” ასლან ბჟანია თანამდებობიდან 2024 წლის 19 ნოემბერს გადადგა, რასაც წინ უსწრებდა ოპოზიციის პროტესტი და ე.წ. პარლამენტში სოხუმსა და მოსკოვს შორის საინვესტიციო ხელშეკრულების რატიფიცირების პროცესის ჩაშლა. მოგვიანებით, ე.წ. პარლამენტმა ჩააგდო რუსულ - აფხაზური საინვესტიციო შეთანხმების რატიფიცირების საკითხი.

პასუხად, მოსკოვმა ჯერ ნაწილობრივ, შემდეგ კი სრულად შეუჩერა სოხუმს ბიუჯეტის დაფინანსება.

ვადამდელი „საპრეზიდენტო“ არჩევნები ოკუპირებულ აფხაზეთში 2025 წლის 15 თებერვალს გაიმართება.

აფხაზეთის დე ფაქტო რესპუბლიკის ეკონომიკის ყოფილი „მინისტრი“ და „აფხაზეთის სახალხო მოძრაობის“ ლიდერი ადგურ არძინბა, ერთ - ერთია იმ 5 კანდიდატს შორის, რომელიც კენჭს იყრის  „საპრეზიდენტო“ არჩევნებში. აფხაზური მედიის თანახმად, მისი მთავარი კონკურენტია, დე ფაქტო რესპუბლიკის ყოფილი „ვიცე პრემიერი“, ბადრა გუნბა.

6 თებერვალს, ბადრა გუნბას "ვიზიტის" ფარგლებში გამართულ შეხვედრებზე, მოსკოვში განაცხადეს, რომ 7 თებერვლიდან, რუსეთი ოკუპირებულ აფხაზეთს აღუდგენს ელექტროენერგიის მიწოდებას, ასევე დღეს შესრულდება პირველი სატესტო რეისი მოსკოვიდან სოხუმის აეროპორტში.