ასოციაცია „ათინათი“ და გაეროს ბავშვთა ფონდი (UNICEF) აშშ-ის საერთაშორისო განვითარების სააგენტოს (USAID) ფინანსური მხარდაჭერით ზუგდიდის მუნიციპალიტეტში, კონფლიქტის ზონასთან ახლოს მდებარე 10 სოფლის საჯარო სკოლაში ახორციელებს პროექტს „ახალგაზრდების ჩართულობა და განვითარება,“ რომლის მიზანია კონფლიქტით დაზარალებული ახალგაზრდების სოციალური ინტეგრაციის გაზრდა, ნდობის მოპოვება და მათთვის პროფესიული და ზოგადი განვითარების ხელშეწყობა.

ასოციაცია „ ათინათმა“ პროექტის პარტნიორ თითოეულ საჯარო სკოლას საჩუქრად გადასცა კომპიუტერული ტექნიკა, პრინტერ-კომბაინები, ლეპტოპები, უკაბელო ინტერნეტის მოწყობილობები და კლუბის ოთახისთვის საჭირო სხვადასხვა ინვენტარი.

„ათინათი“ პროექტს „ახალგაზრდების ჩართულობა და განვითარება“ 2013 წლიდან ახორციელებს. აღნიშნული პროექტის ფარგლებში თითოეულ სკოლაში დაარსდა 4 მიმართულების ახალგაზრდული კლუბი: საბუნებისმეტყველო, ცხოვრების ჯანსაღი წესისის, სამოქალაქო და ეკოლოგიური განათლების კლუბები, რომელთა საქმიანობაშიც 1000-მდე ახალგაზრდა აქტიურადაა ჩართული და მათი უშუალო მონაწილეობით რეგიონის მასშტაბით ასეულობით ღონისძიება განხორციელდა.