სტატია
ვინ არის ამერიკაში მოღვაწე ზუგდიდელი სპორტსმენი (ფოტო)
ზუგდიდელი გიორგი ჯიქია მესამე წელია ამერიკაში ცხოვრობს და ვარჯიშობს. მსოფლიოს და ევროპის ჩემპიონი ტრადიციულ კარატეში ამბობს, რომ შტატებში წასვლა მის ცხოვრებაში საუკეთესო გადაწყვეტილება იყო. 25 წლის სპორტსმენმა გვითხრა, რომ მისი რამდენიმე უშედეგო მცდელობა 2016 წელს დადებითად გადაწყდა და სწორედ მაშინ წავიდა „ოცნების ქვეყანაში“.

ამერიკამდე იყო რთული და გამოცდილებით სავსე გზა. გიორგი ჯიქია მშობლებმა კარატეზე 4 წლის ასაკში შეიყვანეს და მას მერე ამ საქმითაა დაკავებული.

alt
„ჩემი განვითარების პერიოდი უკავშირდება მსოფლიო ჩემპონის გოგიტა არქანიას გვერდით ყოფნის დროს, რადგან ეს იყო ჩემი სპორტული, გონებრივი, ადამიანური განვითარების დასაწყისი. სწორედ იმავე სპორტული ხელწერით ვმოღვაწეობ ამერიკაშიც“, - უთხრა რადიო „ათინათს“ ჯიქიამ.

მისი ჯილდოების საკმაოდ მრავალფეროვანი ჩამონათვალი 2007 წლიდან იწყება. მაშინ ზუგდიდელმა სპორტსმენმა ტოკიოში მსოფლიო ჩემპიონის ტიტული მოიპოვა, 2010 წელს საფრანგეთში კი მსოფლიო თასის გამარჯვებული გახდა. ორი წლის შემდეგ თურქეთში იზეიმა მსოფლიო ჩემპიონობა, 2015 წელს - ევროპის ჩემპიონობა. ამერიკაში გრანდ-ჩემპიონობას 7-ჯერ მიაღწია, თუმცა ეს მისი წარმატებების სრული სია არ არის.

„ამ ტიტულებისთვის ძალიან ბევრი შრომა დამჭირდა. ახალგაზრდებს ვურჩევ, რომ მეტი ივარჯიშონ! განვითარდნენ, რადგან საუკეთესო წლების დაკარგვა არ ღირს. არასოდეს შეჩერდეთ იმ გზაზე, რომლითაც გინდათ სიარული. წარმატება დაუღლელი შრომით და ბრძოლით მოიპოვება“, - გვითხრა ზუგდიდელმა სპორტსმენმა.

გვიყვება, რომ ნიუ-იორკში საკმაოდ სწრაფი და დატვირთული გრაფიკით ცხოვრობს. მისი დღე დილის ხუთის ნახევარზე იწყება. გარდა იმისა, რომ თავად ვარჯიშობს და შეჯიბრებებისთვის ემზადება, კლუბში სხვა დამწყებ სპორტსმენებსაც ავარჯიშებს.
alt
ახალგაზრდა სპორტსმენი გაჩერებას არ აპირებს. გვეუბნება, რომ მისი ცხოვრება ახლა ზუსტად იმ ეტაპზეა, როგორც დაგეგმილი ჰქონდა, თუმცა ამ სფეროში მეტი წარმატების მიღწევა სურს.

„ახლა უკვე სხვა გეგმებით ვაგრძელებ წინსვლას. სანამ ახალგაზრდა და ჯანმრთელი ვარ და სანამ ერთ ადამიანს მაინც დავჭირდები ამ სფეროში, მზად ვარ, ბოლომდე დავიხარჯო“, - გვითხრა გიორგიმ.

უახლოესი გეგმები კი კარატეში უმნიშვნელოვანეს ტურნეებს უკავშირდება. ზუგდიდელი სპორტსმენი აპრილში, "USA KARATE OPEN LAS VEGAS"-ის ტურნირში მიიღებს მონაწილეობას, სადაც მისი მას მენტორობას ამერიკის ნაკრების მწვრთნელი გაუწევს.



Print Email
FaceBook Twitter
დაფინანსებული
„მე-16 ელემენტის" და „ნაციონალიზმისა და კონფლიქტის კვლევის ინსტიტუტის“ (ISNC) , “Digital Interaction for Peace” / DIP Project-ის ფარგლებში გადაიღეს დოკუმენტური ფილმი სახელწოდებით "თაობა კონფლიქტს მიღმა".
სურსათის უვნებლობა მოქალაქეების ჯანსაღი და უსაფრთხო ცხოვრების ერთ-ერთი მნიშვნელოვანი კომპონენტია. პროდუქტებში შემავალმა საკვებმა დანამატებმა და გენეტიკურად მოდიფიცირებულმა ორგანიზმებმა შეიძლება გავლენა იქონიონ ჩვენს ჯანმრთელობაზე. ზუგდიდში, სხვადასხვა ლოკაციაზე, მოქალაქეებს ვკითხეთ, ამოწმებენ თუ არა ვადებს და ეტიკეტს პროდუქტის შეძენისას.
ზუგდიდში, ჩეხეთის რესპუბლიკის, შვედეთისა და ევროკავშირის მხარდაჭერით ხორციელდება პროექტი „ხალხი და რეგიონები სურსათის უვნებლობისთვის“, რომელშიც სხვადასხვა პროფილის სურსათის მწარმოებელი ბიზნეს ოპერატორები, ადგილობრივი ფერმერები და მეწარმეები მონაწილეობენ. პროექტის მიზანია რეგიონებში სურსათის უვნებლობის მიმართულებით საინფორმაციო გარემოს გაუმჯობესება და მოსახლეობის ინფორმირებულობის ამაღლება.
სტატია
ამავე კატეგორიაში
დღის სიახლეები
02 / აპრილი 2025
შვეიცარიული გამოცემა , Neue Zürcher Zeitung, რომელმაც ოჩამჩირედან სატელიტური სურათები მოიპოვა, ირწმუნება, რომ რუსეთი იქ საზღვაო ბაზის მშენებლობას აგრძელებს.
02 / აპრილი 2025
2025-2026 სასწავლო წლისთვის საჯარო სკოლებში პირველკლასელთა რეგისტრაციის პირველი ეტაპი, რომელიც სპეციალური საგანმანათლებლო საჭიროების მქონე ბავშვებისთვის სასურველ სკოლაში განაცხადის წარდგენას გულისხმობდა, დასრულებულია. ამის შესახებ რადიო „ათინათს“ ადგილობრივი რესურსცენტრის ხელმძღვანელმა მამუკა ბულიამ უთხრა.
02 / აპრილი 2025
ზვავსაშიშროების გამო, შიდასახელმწიფოებრივი მნიშვნელობის ზუგდიდი-ჯვარი-მესტია-ლასდილის საავტომობილო გზის კმ185-კმ192 (უშგული-ლასდილი) მონაკვეთზე, დროებით იზღუდება ყველა სახის ავტოტრანსპორტის მოძრაობა. ამის შესახებ ინფორმაციას საავტომობილო გზების დეპარტამენტი ავრცელებს.
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
«« აპრილი 2025 »»
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1234
ამინდი
ზუგდიდი 17 °C
img
სოხუმი 15 °C
img
ფოთი 15 °C
img
მესტია 5 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.