სამეგრელო ზემო-სვანეთის საზოგადოებრივი ორგანიზაციების წარმომადგენლები და სამოქალაქო აქტივისტები პარლამენტის წევრებსა და ადგილობრივ ხელისუფლებას განცხადებით მიმართავენ. მიმართვის ტექსტს რადიო "ათინათი" უცვლელად გთავაზობთ:

"ჩვენ, განცხადებაზე ხელმომწერი საზოგადოებრივი ორგანიზაციები და სამოქალაქო აქტივისტები კატეგორიულად ვეწინააღმდეგებით კანონპროექტს "უცხოური გავლენის გამჭვირვალობის შესახებ", რომელიც მთლიანად იზიარებს რუსეთში მიღებული კანონის სულისკვეთებას.

მოგიწოდებთ სამეგრელო ზემო-სვანეთიდან საქართველოს პარლამენტის წევრებს, ჩვენი რეგიონის მაჟორიტარ დეპუტატებს მხარი არ დაუჭიროთ ამ კანონს, ასევე მოგიწოდებთ სამეგრელო ზემო-სვანეთის მუნიციპალიტეტების მერებს, საკრებულოს თავმჯდომარეებს, საკრებულოს წევრებს, თანამდებობის პირებს ხმა აიმაღლოთ რუსული, ანტიქართული, ანტიევროპული კანონის წინააღმდეგ.

რუსული კანონის მიღებისა და საზოგადოებრივი ორგანიზაციების აგენტებად გამოცხადების შემთხვევაში საქართველო დაკარგავს ევროატლანტიკურ სტრუქტურებში ინტეგრაციის შესაძლებლობას, რომლის გარეშეც ქართული სახელმწიფოს არათუ განვითარება, არსებობაც კი კითხვის ნიშნის ქვეშ დადგება.

რუსული კანონი მიზნად ისახავს დამოუკიდებელი მედიის და არასამთავრობო ორგანიზაციების საქმიანობის შეჩერებას, რაც პირველ რიგში დააზარალებს შეზღუდული შესაძლებლობის მქონე პირებს, ძალადობის მსხვერპლ ბავშვებს, ქალებს, უმცირესობებს,  ახალგაზრდებს, ფერმერებს, სოციალურად დაუცველებს, დევნილ, უსახლკარო და საკუთარი უფლებების დაცვისათვის მებრძოლ ადამიანებს. სწორედ საზოგადოებრივი ორგანიზაციები არიან იმ ძირითადი სერვისების მიმწოდებლები, რაც ჩვენს თანამოქალაქეებს აძლევს ყოფით პრობლემებთან გამკლავების საშუალებას.  ევროპის მხარდაჭერისა და დასავლეთიდან მიღებული დაფინანსებების გარეშე ვერ აშენდებოდა სკოლები, ბაღები, საექიმო ამბულატორიები, ვერ დაიგებოდა გზები, ვერ მოეწყობოდა წყალმომარაგების სისტემები, ვერ განხორციელდებოდა ფერმერთა თუ მეწარმეთა მხარდამჭერი პროექტები და მრავალი სხვა.

იდენტურმა კანონმა რუსეთში მოკლა თავისუფალი და კრიტიკული აზრი, დაასამარა დემოკრატია, რომელმაც თავის მხრივ გააძლიერა პუტინის ავტორიტარული რეჟიმი.

ქართული საზოგადოების მისწრაფება ყოველთვის იყო და არის დასავლური ფასეულობები, ქვეყნის ევროპულ სტრუქტურებში ინტეგრაცია, რაც ასახულია საქართველოს კონსტიტუციაში, რუსული კანონი კი ამ ყველაფერთან შეუთავსებელია.

არ დაუჭიროთ მხარი რუსულ კანონპროექტებს, რომლებიც ქვეყანას მომავალს ართმევს!

რუსული კანონი არ არის საქართველოს არჩევანი!"

მიმართვის ხელმომწერები არიან: 


ზუგდიდი:

ასოციაცია "ათინათი" - რუსუდან ყალიჩავა

რადიო "ათინათი" - გია ხასია

"ნეოგენი" - ცირა კაკუბავა

ასოციაცია "ილი" - სალომე გარდავა

"დასაქმებისა და გადამზადების ცენტრი" - ლია როგავა

საქველმოქმედო ჰუმანიტარული ცენტრი "აფხაზეთი" - ირაკლი ქოჩუა

ასოციაცია "მერკური" - ნანა თოდუა

ახალგაზრდა ფსიქოლოგთა და ექიმთა ასოციაცია "ქსენონი" - ნინო ჯანაშია

მშვიდობის ინსტიტუტი პროგრესისთვის - სალომე ადამია

სამოქალაქო აქტივობისა და თანასწორობის ცენტრი - ციცინო შენგელია

ასოციაცია "იმედი" დევნილ ქალთა მოძრაობა მშვიდობისათვის - ქრისტინე კილანავა

"დემოკრატიული ჩართულობის ცენტრების ქსელი" ზუგდიდის ოფისი - ეკა მინჯორაია

ქალთა ასოციაცია "გვირილა" - ეთერ ალმასია

შშმ პირთა ინტეგრაციისა და ხელოვნების განვითარების ასოციაცია "ჰანგი" - რუსლან საჯაია

შშმ ქალთა გაძლიერების ცენტრი - სოფიო ჩახაია

რეაბილიტაციისა და განვითარების საქველმოქმედო ცენტრი "თანაზიარი'' - ხათუნა ბეჭვაია

სამოქალაქო მოძრაობა "სამეგრელოს ხმა" - თენგიზ ჯგუშია

ასოციაცია "სოფლის მეურნეობის განვითარებისთვის" - მაია მიქავა

იგპ ქალთა ორგანიზაცია "თანხმობა" - მაია ჩემია

ასოციაცია "დეა" - მადონა ხარებავა

ახალგაზრდები სამეგრელოს განვითარებისთვის - ედუარდ ფარცვანია

ასოციაცია "გზამკვლევი" - ირმა ნოდია

ზუგდიდის დამოუკიდებელი ცხოვრების ცენტრი - მზისადარ ფიფია

ფსიქიკური ჯანმრთელობის კვლევითი ცენტრი - ნათია ცირამუა

SkanySolutions - ვასილ ძნელაძე

FAO - ნინო გელაშვილი

ა(ა)იპ "ხელები მშვიდობისთვის" - მაკო ჭკადუა

ტელე-რადიო კომპანია "ოდიში" - ნანა ქობალია

სამართლიანი არჩევნებისა და დემოკრატიის საერთაშორისო საზოგადოება (Isfed) - რეგიონული ხელმძღვანელი  დავით ლოგუა

"საერთაშორისო გამჭვირვალობა-საქართველოს" ზუგდიდის რეგიონული წარმომადგენლობა - არჩილ თოდუა

საქართველოს ახალგაზრდა იურისტთა ასოციაციის ზუგდიდის ოფისი - კესო ჩახაია

საერთაშორისო ბიზნეს სკოლა - თათია კვარაცხელია

სამეგრელოს სკაუტები - გიორგი ჭეჟია

ProActive Group Georgia - გიორგი აგირბაია

საუნჯე - იაგო ფასანძე

ლაშა კიუტი - სამოქალაქო აქტივისტი

ანა აბულაძე - სამოქალაქო აქტივისტი

ირაკლი ტაბაღუა - სამოქალაქო აქტივისტი

თამარ გამსახურდია - სამოქალაქო აქტივისტი 


ფოთი:

ადამიანის უფლებათა და სოციალური სამართლიანობის დაცვის კვლევის ცენტრი - ელისო ჯანაშია

აფხაზეთიდან დევნილთა სარეაბილიტაციო, ეკონომიკური და კულტურული აღორძინების ხელშემწყობი ასოციაცია "დიოსკურია" - ნონა ხუხია


მარტვილი:

მარტვილის მარანი - ზაზა გაგუა

ონისე ჯანაშია - ჟურნალისტი


მესტია:

"ზემო სვანეთის სათემო ორგანიზაცია" - დავით ნავერიანი

ზემო სვანეთის ადგილობრივი განვითარების ჯგუფი - ირმა ჯაფარიძე

ზემო სვანეთის ადგილობრივი განვითარების ორგანიზაცია (LAG) - დავით ნიჟარაძე

"LAG" - ვიკა ფილფანი

მიმოზა ჭკადუა - სამოქალაქო აქტივისტი


ჩხოროწყუ:

მარანი "ობენე" - ანა კვარაცხელია

საინიციატივო ჯგუფი "თანასწორი" - მელორ ცქვიტაია

გიორგი ჯიქია - სამოქალაქო აქტივისტი


წალენჯიხა:

ჯვარის სათემო განათლების ცენტრი - მაია ჭანტურია

აღმოსავლეთ  ევროპის ცენტრი მრავალპარტიული დემოკრატიისთვის (EECMD ) წალენჯიხის ოფისი - თამარ კვარაცხელია

ახალგაზრდობის განათლების კულტურის ცენტრი - გიორგი ფიფია


ხობი:

"თოლისკური" - გვანცა კიკალეიშვილი

ცაბუნია ვართაგავა - სამოქალაქო აქტივისტი


სენაკი:

საქართველოს ტრენინგებისა და განვითარების ინსტიტუტი - დიმა ქარჩავა


ამავე თემაზე: 

რადიო "ათინათი" არ გეგმავს "უცხოური გავლენის აგენტად" დარეგისტრირებას - განცხადება

დაუშვებლად მივიჩნევთ რუსული კანონის მიღებას - მედიაორგანიზაციები, მათ შორის "ათინათი" ერთობლივ განცხადებას ავრცელებენ