რეგიონულ შეხვედრაზე სამოქალაქო საზოგადოებრივი ორგანიზაციების წარმომადგენლებმა სმენადაქვეითებულ ბავშვთა ჯანმრთელობის უფლების ხელშეწყობის საქმეში არსებულ გამოცდილებაზე ისაუბრეს. მუნიციპალიტეტის გამგეობის შენობის სხდომათა დარბაზში მათ პროექტის ძირითადი მიზნები და ამოცანები წარადგინეს.

შეხვედრაში მონაწილეობას სამეგრელო- ზემო სვანეთის რეგიონის ხელისუფლების, ადგილობრივი სამოქალაქო და საერთაშორისო ორგანიზაციების წარმომადგენლები და პროექტის ბენეფიციარები იღებდნენ.

პროექტის ძირითადი საქმიანობები სამი წლის განმავლობაში თბილისში, აჭარის , სამეგრელოსა და იმერეთის რეგიონებში განხორციელდება. სამიზნე ჯგუფებს სმენადაქვეითებული ბავშვები , მათი მშობლები და ოჯახის წევრები, ცენტრალური და რეგიონალური ჯანდაცვის ხელისუფლება , სამედიცინო პერსონალი , სამოქალაქო , საზოგადოებრივი და სხვა დაინტერსებული ორგანიზაციები წარმოადგენენ.

პროექტი დაფინანსებულია ევროკავშირის მიერ და "ველფეარ ფაუნდეიშენთან" ერთად მას სამოქალაქო საზოგადოებრივი ორგანიზაციები "სთეფ ფორვარდი", "თაირისი" და "თანაზიარი" ახორციელებენ.

პროექტის ასოცირებული პარტნიორები დაავადებათა კონტროლისა და საზოგადოებრივი ჯანმრთელობის ეროვნული ცენტრი, აუდიოლოგიის ეროვნული ცენტრი და ლენჰარდტის ფონდი არიან.