ირანელი ფიზიკოსი და ბირთვული პროგრამის ექსპერტი შაჰრამ ამირი ირანში სიკვდილით დასაჯეს. ინფორმაციას  ამის შესახებ მეცნიერის ოჯახის წევრები ავრცელებენ. მათივე განმარტებით, ოფიციალურმა თეირანმა ოჯახის წევრებს ფიზიკოსის ცხედარი უკვე გადასცა. მას ნაიარევი ყელსა და კისერზე ეტყობა.

ირანელი მეცნიერი 2009 წელს მექაში ჰაჯიში მონაწილეობის მისაღებად გაემგზავრა, რის შემდეგაც სახლში აღარ დაბრუნებულა. მოგვიანებით ის ამერიკის შეერთებულ შტატებში აღმოაჩინეს. გავრცელდა ინფორმაცია, რომ იგი ამერიკის დაზვერვის სამსახურს ჰყავდა დაკავებული. ოფიციალურმა ვაშინგტონმა საჰრამ ამირის გაუჩინარების საქმესთან საკუთარი თანამონაწილეობა კატეგორიულად უარყო, თუმცა 2010 წელს ტელეკომპანია ABC News-ის მიერ მომზადებულ მასალაში ნათქვამი იყო, რომ იგი დასავლეთში გაიქცა, რათა დაზვერვის სამსახურს ირანის ბირთვულ პროგრამასთან დაკავშირებით ინფორმაციის მოგროვებაში დახმარებოდა.

ამირის გაუჩინარების შემდეგ ირანის ხელისუფლებამ საუდის არაბეთი მეცნიერის გატაცებასა და მისი აშშ-სთვის გადაცემაში დაადანაშაულა. 2010 წელს მეცნიერი ირანში დაბრუნდა, სადაც იგი გმირივით მიიღეს. თუმცა, მოგვიანებით თეთრმა საახლმა გაავრცელა ინფორმაცია, რომ იგი საკუთარი ნებით ჩავიდა აშშ-ში და ხელისუფლებას მნიშვნელოვანი ინფორმაცია გადასცა.