ამ ეტაპისთვის, ბზის მავნებლები ბოტანიკურ ბაღსა და დადიანების სასახლეთა მიმდებარე ტერიტორიაზე ლიკვიდირებულია, თუმცა დაავადების ცალკეული კერები ქალაქის ტერიტორიაზე კვლავ რჩება. დღევანდელი დასუფთავების აქციის შედეგად შეგროვილ ნარჩენებს ქალაქის დასუფთავებისა და კეთილმოწყობის სამსახურები ნეიტრალურ ზონაში გადაიტანენ, სადაც მოხდება მათი უტილიზაცია. გაწმენდით სამუშაოებში ქალაქ ზუგდიდის მუნიციპალიტეტის საკრებულოსა და მერიის თანამშრომლები, სამეგრელო-ზემო სვანეთის სამხარეო ადმინისტრაციის წარმომადგენლები, არასამთავრობო სექტორის, მათ შორის ასოციაცია "ათინათის" თანამშრომლები  მონაწილეობდნენ.