„საჯარო სივრცე ახალგაზრდებისთვის“ - შეხვედრა ზუგდიდის გამგეობაში (ვიდეო)
ზუგდიდის გამგეობის კულტურისა და ახალგაზრდულ საქმეთა სამსახურის თანამშრომლებმა, თემში მცხოვრებ ახალგაზრდებსა და საზოგადოებრივი ორგანიზაციის წარმომადგენლებს, 2015 წელს განხორციელებული პროექტები გააცნეს. შეხვედრა ორგანიზაციის „საუნჯე“ ინიციატივით გამგეობის სააქტო დარბაზში გაიმართა.
თავის მხრივ, ახალგაზრდებმა გამგეობის წარმომადგენლებს შესთავაზეს მომავალი წლის ბიუჯეტში, სოფლებში არსებულ გამოუყენებელ შენობებში ფართის გამოყოფა გაითვალისწინონ, სადაც ისინი კულტურული და საგანმანათლებლო ღონისძიებების ჩატარებას შეძლებენ.
შეხვედრა პროექტის „საჯარო სივრცე ახალგაზრდებისთვის“ ფარგლებში, ფონდი „ღია საზოგადოება - საქართველოს“ მხარდაჭერით შედგა.
ცნობისთვის, ზუგდიდის მუნიციპალიტეტის 2015 წლის ბიუჯეტში კულტურული, ახალგაზრდული და სპორტული ღინისძიებებისთვის 2 მილიონ ლარზე მეტია გათვალისწინებული.
მასალის გამოყენების პირობები