დეპუტატ თინა ხიდაშელს "მუმიას განცხადებებზე" კომენტარის გაკეთება არ სურს. ასე ეხმაურება თინა ხიდაშელი მიხეილ სააკაშვილის გუშინდელ განცხადებებს , რომელიც მან "რუსთავი-2"-ის ეთერში გააკეთა. ხიდაშელი ამბობს, რომ მიხეილ სააკაშვილმა იჭორავა. "გუშინ, ერთი კაცი ერთი ტელევიზიის ფანჯარაში იჯდა და ჭორაობდა. ჭორაობაზე კომენტარს ვერ გავაკეთებ, განსაკუთრებით მაშინ როცა მუმიას მეძახის. ამ მუმიას განცხადებებზე კომენტარებს არ გავაკეთებ, ის აღარ არის საინტერესო, აღარ არის აქტუალური, ცდილობს რაღაც მოთამაშედ ქართულ პოლიტიკაში დარჩეს, იმუქრება, მუშტებს გვაჩვენებს და ამით ძალიან სასაცილოა. ამაზე სერიოზულად რომ ვილაპარაკო, მეც მას უნდა დავემსგავსო", - განუცხადა ჟურნალისტებს თინა ხიდაშელმა. გუშინ ტელეკომპანია "რუსთავი 2"-სთვის მიცემულ ინტერვიუში მიხეილ სააკაშვილმა ხელისუფლების ზოგიერთ წევრი წარსულის ზომბებს და მუმიებს შეადარა.