ალექსანდრე ტურჩინოვი - ანტიტერორისტული ოპერაცია დასახული მიზნების მიღწევამდე გაგრძელდება
აღმოსავლეთ უკრაინაში ანტიტერორისტული ოპერაცია გაგრძელდება, ვიდრე ხელისუფლება დასახულ მიზნებს არ მიაღწევს , - ამის შესახებ უკრაინის პრეზიდენტობის მოვალეობის შემსრულებელმა ალექსანდრე ტურჩინოვმა განაცხადა.
მისივე თქმით, აღმოსავლეთ უკრაინის რეგიონებში ანტიტერორისტული ოპერაციის ჩატარება შედარებით რთულდება იქიდან გამომდინარე, რომ ადგილობრივები სეპრატისტებს უჭერენ მხარს.
ამასთან, ალექსანდრე ტურჩინოვმა აღნიშნა, აღმოსავლეთ უკრაინის რეგიონებში სეპარატისტების ქმედების აღსაკვეთად, იქმნება სპეციალური ქვედანაყოფები.
"ამ დროისთვის უკვე მოქმედებს შვიდი ასეთი ბატალიონი, მათ შორის ნაციონალური გვარდია ჩვენი მთავარი ქვედანაყოფია", - განაცხადა უკრაინის პრეზიდენტობის მოვალეობის შემსრულებელმა.
23 აპრილს უკრაინის აღმოსავლეთ რეგიონში ანტიტერორისტული ოპერაციის მეორე ფაზა განახლდა.
2 მაისს, უკრაინის სამთავრობო ძალებმა თითქმის სრულად გაათავისუფლეს სეპარატისტებისგან დონეცკის ოლქის ქალაქი სლავიანსკი. ამასთან, 1 მაისიდან მოყოლებული ანტიტერორისტული ოპერაციის მიმდინარეობისას ექვსი ადამიანი დაიღუპა და 16 დაშავდა.
მასალის გამოყენების პირობები