პოლიტიკური პარტია ,,საქართველოს გზა" ცენტრალურ საარჩევნო კომისიას საჯაროდ მიმართავს და მას წინასაარჩევნო კამპანიის წარმართვის ხელის შეშლაში ადანაშაულებს. პარტიის მიერ გავრცელებულ განცხადებაშია ნათქვამია, რომ  პარტია "საქართველოს გზა" მონაწილეობას იღებს 2014 წლის 15 ივნისს დაგეგმილ ადგილობრივ თვითმმართველობის არჩევნებში და ოფიციალურად არის რეგისტრირებული ცენტრალურ საარჩევნო კომისიაში, მაგრამ იმის გამო, რომ ცესკოში ჯერ კიდევ არ ჩატარებულა წილის ყრა, დღემდე არ აქვთ საარჩევნო ნომერი. "ამის გამო სხვა პოლიტიკურ პარტიებთან ოპონირება ძალიან არათანაბარ პირობებში გვიხდება. ჩვენი პარტია პროტესტს აცხადებს საქართველოში მიმდინარე 2014 წლის 15 ივნისის ადგილობრივი თვითმართველობის არჩევნებში შექმნილი უსამართლო და უთანასწორო საარჩევნო პირობების გამო. პარტიამ, წერილობით მიმართა ცენტრალურ საარჩევნო კომისიას და საქართველოს კომუნიკაციების ეროვნულ კომისიას მისთვის სარჩევნო კოდექსით გათვალისწინებული უფასო სარეკლამო დროის გამოყოფის შესახებ, რაზეც მათ უარი განაცხადეს. მიგვაჩნია რომ კანონი უნდა აყენებდეს ყველას თანაბარ პირობებში, მითუმეტეს, კვალიფიციურ სუბუექტს, როგორსაც ჩვენი პარტია წარმოადგენს არ უნდა ჰქონდეს პრობლემა უფასო სარეკლამო დროის შეზღუდვაზე", - ნათქვამია განცხადებაში.