ეგვიპტის სასამართლომ ქვეყნის ყოფილ პრეზიდენტს ჰოსნი მუბარაქს სამი წლით პატიმრობა მიუსაჯა, სახელმწიფო თანხების გაფლანგვის გამო. "ბიბისი"-ს ინფორმაციით, სასამართლომ ასევე გაასამართლა მუბარაქის შვილები – ალა და გამალა, რომელთაც 4-წლიანი თავისუფლების აღკვეთა მიესაჯათ. ამასთან, პროკურატურამ ჰოსნი მუბარაქი 17,6 მილიონი დოლარის გაფლანგვაში დაადანაშაულა, რომელიც ექს-პრეზიდენტმა საპრეზიდენტო სასახლის გარემონტების მიზნით დახარჯა. ჰოსნი მუბარაქმა თანამდებობა 2011 წელს დატოვა, 18-დღიანი დემონსტრაციების შედეგად, რომელსაც 800-ზე მეტი ადამიანი ემსხვერპლა. ის იმავე წელს დააპატიმრეს დემონსტრანტების მკვლელობის ბრძანების ბრალდებით. ჰოსნი მუბარაქი ეგვიპტეს 30 წლის განმავლობაში ედგა სათავეში.