თანამდებებობა სავარაუდოდ, მინისტრთა კაბინეტის კიდევ ერთმა წევრმა, ლევან ყიფიანმა დატოვა. სპორტისა და ახალგაზდრობის საქმეთა მინისტრის მოსალოდნელი გადადგომის შესახებ ექსკლუზიურ ინფორმაციას „პირველი რადიო“ ავრცელებს. სააგენტოს ცნობით, ეს გადაწყვეტილება გვიან ღამით სახელისუფლებო გუნდში ყიფიანის საკითხთან დაკავშირებით კონსულტაციების გამართვის შემდეგ მიიღეს, სადაც გადაწყდა რომ ლევან ყიფიანი თანამდებობას დატოვებს. დღეს სამინისტროში 12 საათზე საგანგებო ბრიფინგია ჩანიშნული. თუმცა, რა საკითხთან დაკავშირებით, ამ დრომდე არ კონკრეტდება. არ არის გამორიცხული, რომ პრესკონფერენცია საკადრო გადაწყვეტილებას და უწყებიდან ლევან ყიფიანის წასვლას უკავშირდებოდეს. ამ გადაწყვეტილებამდე კი მან გუშინ განაცხადა, რომ მისი თანამდებობიდან წასვლა არ განიხილებოდა, რომ რჩებოდა პოსტზე და აგრძელებდა საქმიანობას. როგორც ცნობილია, ყიფიანის საქმიანობით უკმაყოფილოა საქართველოს პარლამენტის სპორტის კომიტეტი. გუშინ კომიტეტის 11-მა წევრმა უმრავლესობიდან საქართველოს პრემიერ-მინისტრს სპეციალური განცხადებით მიმართა.