ქარიშხალი სინდი აშშ-ის სანაპირო ზოლს მიუახლოვდა. ქარიშხლის ფრონტის სიგანე 835 კილომენტრია, ქარის სიჩქარე 140კმ/სთ. გადაადგილების სიქარე 25კმ/საათი. ქარიშხალი შესაძლოა სამი დღე გაგრძელდეს. იგი აშშ-ის 12 შტატს ემუქრება. სტიქიის ზონაში, სავარაუდოდ, 50 მილიონი ადამიანი მოჰყვება ქარიშხალს სულ ცოტა 13 ადამიანი ემსხვერპლა აშშ-სა და კანადაში, კარიბის ზღვის რეგიონში კი, დაღუპულთა რაოდენობა 70-ს აღწევს. ნიუ-იორკის 76 სკოლაში  სპეციალური თავშესაფარია მოწყობილი. არ მუშაობს საქალაქო ტრანსპიორტი. ჩაკეტილია სატრანსპორტო გვირაბები. გადადებულია 7 ათასზე მეტი ავიარეისი. ქალაქში მოწყობილია წყალდამცავი ბარიერები. არსებული ინფორმაციით, სტიქიის ზონაში 2 ათასამდე ქართველი ცხოვრობს. ნიუ-იორკში საქართველოს საკონსულოს ინფორმაციით, სტიქიის შედეგად ქართველების დაშავების შესახებ ინფორმაცია ჯერჯერობით არ მიუღიათ. "ჯერ დაზარალებულებზე არანაირი ოფიციალური ინფორმაცია არ არის შემოსული. საქართველოს მოქალაქეები მოსალოდნელი ამინდის შესახებ ორი დღით ადრე გავაფრთხილეთ და ვუთხარით, რომ დამორჩილებოდნენ იმ მითითებებს, რომელსაც ადგილობრივი ხელისუფლება გასცემდა", - განაცხდა "რუსთავი 2"-თან საუბარში საქართველოს ვიცე-კონსულმა გიორგი ცეკვავამ. შტატის გუბერნატორი მოსახლეობას სიმშვიდისკენ მოუწოდებს. ქვეყნის პრეზიდენტის ბარაკ ობამას განცხადებით, იმის მიუხედავად, რომ ხელისუფლება კარგად მოემზადა სტიქიის წინააღმდეგ, მნიშვნელოვანი ზარალი და ზიანი გამორიცხული არ არის. მან  მოსახლეობას მოუწოდა იმ შემთხვევისთვის თუ აუცილებელი გახდება ევაკუაცია, მკაცრად დაემორჩილონ ხელისუფლების მიერ გაცემულ მითითებებს.