"იუნესკოს" არამატერიალურ კულტურულ ძეგლების ნუსხაში „ლაღიძის წყლები“ და „ქვევრში ღვინის დაყენების ტრადიციული ქართული მეთოდი“ შევა. ამის შესახებ კულტურისა და ძეგლთა დაცვის მინისტრმა, გურამ ოდიშარიამ დღეს, 21 ნოემბერს, ზუგდიდში ვიზიტის დროს განაცხადა. მინისტრის თქმით „ლაღიძის წყლებისთვის“ კულტურული ძეგლის სტატუსის მინიჭება მისი პირადი ინიციატივაა, რადგან საქმე ეხება ბრენდს, რომელიც მრავალი წლის მანძილზე ზრდიდა ჩვენს ცნობადობას და რომელსაც უცხოელები ლექსებს უძღვნიდნენ-„ჩვენ კი სამწუხაროდ უსამართლოდ მივივიწყეთ“,-აღნიშნავს ოდიშარია. იგი ასევე განმარტავს, რომ „ქვევრის ღვინისთვის“ სტატუსის მინიჭების საკითხს ბაქოში, დეკემბრის დასაწყისში დაგეგმილ „იუნესკოს“ კულტურული მემკვიდრეობის არამატერიალური ძეგლების კომიტეტის სესიაზე დააყენებს. შეგახსენებთ, რომ „იუნესკოს“კულტურული მემკვიდრეობის არამატერიალური ძეგლების ნუსხაში "დედაენა", ქართული ცეკვა "ხორუმი", საბავშვო ჟურნალი „დილა“ და მესხური ყველი უკვე შევიდა. ბრძანება ამის შესახებ გურამ ოდიშარიამ 2013 წლის 13 ნოემბერს გამოსცა.