ზუგდიდის მუნიციპალიტეტის 2014 წლის ბიუჯეტის საჯარო განხილვა დღეს, 5 დეკემბერს დემოკრატიული ჩართულობის ოფისში გაიმართა. შეხვედრა, კოალიციური  პროექტის-  „საზოგადოების ჩართულობა დემოკრატიული თვითმმართველობის“ ფარგლებში მოეწყო. პროექტს ასაოციაცია „ათინათი“,  სამოქალაქო მონიტორინგისა და კვლევების ცენტრი“  და „საერთაშორისო გამჭვირვალობა - საქართველო“ „ ევრაზიის თანამშრომლობის ფონდის მხარდაჭერით და „შვედეთის საერთაშორისო განვითარების სააგენტოს ფინანსური უზრუველყფით ახორციელებს. როგორც შეხვედრაზე, „საერთაშორისო გამჭვირვალობა - საქართველოს“ ანალიტიკოსმა არჩილ თოდუამ აღნიშნა, მომდევნო წლის ბიუჯეტი კარგად არის გაწერილი. მისივე თქმით, 2014 წლის ბიუჯეტში გათვალისწინებულია არასამთავრობო ორგანიზაციების  შენიშვნებისა და რეკომენდაციების დიდი ნაწილი. ზემოაღნიშნულმა ორგანიზაციებმა  ზუგდიდის მუნიციპალიტეტის 2014 წლის ბიუჯეტი, ზოგადად, დადებითად შეფაეს, თუმცა ამასთან, გამგეობას რამდენიმე რეკომენდაცია შესთავაზეს. მათ შორის ,  საფეხბურთო კლუბ ზუგდიდის "ზუგდიდის" დაფინანსების საკითხის გადახედვა, სოფელ ცაიშში არსებული ნაგავსაყრელის კეთილმოწყობა, საჯარო მოხელეებზე დაუსაბუთებლად პრემიების გაცემის პრაქტიკის აღმოფხვრა, შშმ პირებისთვის პანდუსებისა და ლიფტების  მოწყობა და ა.შ. როგორც შეხვედრაზე ითქვა ს/კ „ზუგდიდის“ შენახვა ბიუჯეტს ძვირი უჯდება და აქედან გამომდინარე  საჭიროა ინვესტორის მოძიება. „ბიუჯეტის შედგენის დროს ჩვენ ამაზე ბევრი მსჯელობა გვქონდა, მაგრამ ეს არის იძულებითი დაფინანსება. ამ დროისთვის ამ გუნდის გადარჩენის  ერთადერთი გზა ეს იყო. ჩვენ უნდა მოვძებნოთ, ისეთი ვინმე რომელიც ამ გუნდს უპატრონებს და ამის გარშემო მუშაობა უკვე დაწყებული გვაქვს“, - განაცხადა შეხვედრაზე ზუგდიდის გამგებლის მოვალეობის შემსრულებემა მერაბ ქვარაიამ. არჩილ თოდუას განმარტებით, მიუხედავად იმისა, რომ სოფელ ცაიშში მოწყობილი ნაგავსაყრელი შემოღობილია, იქ ადვილად აღწევს შინაური ცხოველები და ძაღლები , რაც საშიშია ადამიანების ჯანმრთელობისთვის. გამგეობის წარმომადგენლებმა ზემოაღნიშნულზე განაცხადეს, რომ ცაიშის ნაგავსაყრელი მუნიციპალური საკუთრება არ არის, თუმცა მათივე განმარტებით, ადგილობრივი სახსრებით ღობის გამაგრება შეიძლება მოხერხდეს. როგორც შეხვედრაზე აღინიშნა, შშმ პირებისთვის არა მხოლოდ კერძო ობიექტებში, არამედ ადმინისტრაციულ შენობებშიც შეუძლებელია შეღწევა. „მინიმუმ საჯარო დაწესებულებებში მაინც უნდა მოეწყოს პანდუსები და ლიფტები, რათა ამ ხალხმა ადმინისტრაციულ შენობებში მაინც შეძლონ თავისუფლად გადაადგილება“, - არნიშნა არჩილ თოდუამ. პანდუსების საკითხს, ქალაქმშენებლობისა და არქიტექტურულ სამშენებლო საქმიანობაზე სახელმწიფო ზედამხედველობის სამსახურის უფროსის მოვალეობის შემსრულებელი ეკატერინე თოდუა შეხვედრაზევე  გამოეხმაურა. „ჩვენ ვმუშაობთ პროექტებზე, რათა ადმინისტრაციულ შენობებში და ასევე, მუნიციპალურ საკუთრებაში არსებულ შენებობზე პანდუსების საკითხი მოვაწესრიგოთ. ასევე გაიზრდება ტროტუარებზე არსებული პანდუსების რაოდენობა, ხოლო კერძო მშენებლობების ნებართვა არ გაიცემა თუ ეს მოთხოვნა არ იქნება გათვალისწინებული“, - ამბობს ეკატერინე თოდუა. ზუგდიდის მუნიციპალიტეტის გამგეობის წარმომადგენლები აცხადებენ, რომ ისინი არასამთავრობო ორგანიზაციების თუ საზოგადოების ნებისმიერი ნაწილის შენიშვნებს და რეკომენდაციებს აუცილებლად გაითვალისწინებენ. აღსანიშნავია, რომ ზუგგდიდის ბიუჯეტის პროექტის განხილვა არასამთავრობო მონაწილეობით წელს პირველად შედგა.