ზუგდიდის მუციციპალიტეტის გამგეობა საახალწლო მოსართავებისა და ღონისძიებებისთვის 100 ათას ლარზე ოდნავ ნაკლებს  დახარჯავს.  აქედან, კულტურული ღონისძიებებისთვის 60 ათასი ლარია გამოყოფილი, ხოლო საახალწლო მოსართავების მოწყობისთვის 36 ათასი ლარი. „თუმცა ეს ხარჯები ტენდერების შედეგად შესაძლებელია უფრო შემცირდეს და ნაკების დახარჯოს“ , - უთხრა რადიო „ათინათს“ ზუგდიდის გამგებლის მოადგილის მოვალეობის შემსრულებელი გურგენ სართანიამ. მისივე განმარტებით, საახალწლოდ ზუგდიდში დაგეგმილია შემდეგი კულტურული ღონისძიებები: საშობა ალილოს მოწყობა, „საახალწლო სოფელი ბავშვებისთვის“, თეატრში სპექტაკლები, კონცერტი მთავარ მოედანზე და ა.შ. ცნობისთვის, 2011 წელს, 2012 წლის აღსანიშნავად ზუგდიდის ბიუჯეტიდან 200 ათასი ლარზე მეტი გამოიყო. აქედან, ქუჩის განათებების შესაძენად 70 ათასი ლარი დაიხარჯა, საახალწლო კონცერტისთვის 80 ათასი ლარი, 20 ლარი კი "წარმატებული და ცნობილი ზუგდიდელებისთვის" გამართულ შოუს მოხმარდა. ხოლო დანარჩენი სოციალურად დაუცველთა საჩუქრების შესაძენას. რაც შეეხება, 2013 წლის აღნიშვნა ადგილობრივ ბიუჯეტს 70 ათასზე ოდნავ ნაკლები დაუჯდა.