ზუგდიდის რაიონულ სასამართლოში დღეს ციხის ყოფილი უფროსის ამირან ჯანაშიასა და ციხის თანამშრომლის რომეო როგავას სასამართლო პროცესი გაიმართა. მათ ბრალი წამებასა და არდამიანურ მოპყრობაში ედებათ. დღევანდელ პროცესზე მოწმის სახით 5-მდე ყოფილი პატიმარი დაიკითხა, მათ შორის ყოფილი სამართალდამცავები. სასამართლო პროცესზე მოწმეების უმეტესობა აცხადებს, რომ ზუგდიდის ციხის ყოფილი დირექტორი ამირან ჯანაშია და სხვა თანამშრომლები პატიმრებს სიტყვიერ და ფიზიკურ შეურაცხყოფას აყენებდნენ. მოწმეებიის ნაწილი  კი აცხადებს, რომ უშუალოდ მის მიმართ ციხეში  არადამიანურ მოპყრობას ადგილი არ ჰქონია. ამირან ჯანაშიას და რომეო როგავას საქმეზე სასამართლოში ამ დრომდე 30-მდე ბრალდების მოწმეა დაკითხული. როგორც რადიო „ათინათს“ ამირან ჯანაშიას და რომეო როგავას ადვოკატმა იოსებ ჯანაშიამ განუცხადა, სასამასრთლოში ჯერ კიდევ 100-მდე მოწმეა დასაკითხი, მათ შორის 50-მდე დაცვის მხარის მოწმეები. მისივე თქმით, აღნიშნულ საქმეზე ბრალდებულების სასამართლო პროცესი შესაძლებელია კიდევ 6 თვე გაგრძელდეს. ცნობისთვის, ამირან ჯანაშიას და რომეო როგავას ბრალი სისხლის სამართლის 144-ე მუხლის ა, ბ გ, ზ ქვეპუნქტებით და 272 -ე მუხლის პირველი ნაწილით  ედებათ ბრალი, რაც 6 წლამდე თავისუფლების აღკვეთას ითვალისწიბეს.’ ზუგდიდის #მე-4 სასჯელაღსრულების დაწებულების ყოფილი დირექტორი ამირან ჯანაშია და რომეო როგავა გირაოს სანაცვლოდ არიან გაათავისუფლებულები.