„აკონტროლე ნარკოტიკი“ - ამ სახელწოდების საპროტესტო აქცია ზუგდიდის პოლიციის სამმართველოს შენობასთან დღეს, 26 დეკემბერს გაიმართა. აქციის მონაწილეების თქმით, ხელისუფლების ცვლილების შემდეგ, ზუგდიდში ნარკოდანაშაულის ფაქტებმა იმატა. მათივე განმარტებით, ნარკოტიკული ნივთიერება, აფხაზეთის გავლით, რუსეთის ფედერაციიდან შემოდის. ამასთან, აქციის მიონაწიეები რუსეთიდან ნარკოტიკული ნივთიერების შემოტანაში კონკრეტულ პირებს ადანაშაულებენ. თუმცა რადიო „ათინათი“აქციის მონაწილეების მიერ დასახელებული პირების იდენტიფიცირებისგან თავს იკავებს, ვინაიდან  მათთან დაკავშირება ვერ მოხერხდა. „მას შემდეგ რაც „ქართული ოცნება“ მოვიდა ხელისუფლებაში ზუგდიდში და მთლიანად ქვეყანაში ნარკომანიამ იმატა. ჩვენ ხელისუფლებისგან მოვითხოვთ დაისაჯონ დამნაშავეები“, ამბობს აქციის ორგანიზატორი ლევან თორია. საპროტესტო აქცია - „აკონტროლე ნარკოტიკი“ სოციალური ქსელის საშუალებით დაანონსდა და მასში 20-მდე ახალგაზრდამ მიიღო მონაწილეობა.