პროექტ “საზოგადოების ჩართულობა დემოკრატიული თვითმმართველობისათვის” მუშაობის შედეგები შეაჯამეს ზუგდიდში დღეს, 10 იანვარს. პროექტს ასოციაცია „ათინათი“ „საერთაშორისო გამჭვრივალობა საქართველოს“ ზუგდიდის წარმომადგენლობა და „სამოქალაქო მონიტორინგისა და კვლევების ცენტრი“ ახორციელებდა. პრეზენტაციას დაესწრნენ, როგორც პროექტის, ასევე თვითმართველობის წარმომადგენლები. სიტყვით გამოსულებმა პროექტის მუშაობა და შედეგები დადებითად შეაფასეს და აღნიშნეს, რომ ზემოაღნიშნული პროექტმა მნიშვნელოვანი როლი შეასრულა თვითმმართველობის განვითარებაში. ასოციაცია „ათინათის“ ინიციატივით, „საერთაშორისო გამჭვრივალობა საქართველოს“ ზუგდიდის წარმომადგენლობის და „სამოქალაქო მონიტორინგისა და კვლევების ცენტრის“ მონაწილეობით გაფორმდა თანამშრომლობის მემორანდუმი ზუგდიდის მუნიციპალიტეტის გამგეობასთან და საკრებულოსთან. ამით ხელმომწერებმა დაადასტურეს მზაობა ერთობლივი ძალისხმევით ითანამშრომლონ პროექტის „საზოგადოების ჩართულობა დემოკრატიული თვითმმართველობისთვის“ ამოცანების განხორციელებაში, გაცვალონ ინფორმაცია და მონაწილეობა მიიღონ დაგეგმილ აქტივობებში. პროექტის მიზანი იყო ზუგდიდის მუნიციპალიტეტის ადგილობრივი თვითმმართველობის საქმიანობისა ეფექტურობის გაუმჯობესება. აქტივობები სასტუმრო ანაკლიაში, პროექტის პრეზენტაციით დაიწყო. მოგვიანებით, აქვე ჩატარდა ტრენინგ-სემინარი. მასში მონაწილეობა მიიღეს თვითმმართველობების, სამხარეო ადმინისტრაციის, მედიის და საზოგადოებრივი ორგანიზაციების წარმომადგენლებმა. სემინარს უძღვებოდნენ „კავკასიის ეკონომიკური და სოციალური კვლევითი ინსტიტუტის“ ექსპერტ-ანალიტიკოსები. რადიო „ათინათის“ ყოველკვირეული, ინტერაქტიული თოქ-შოუ „ჩვენი თვითმმართველობა“, ეთერის პარალელურად ინტერნეტში Livestreem-ითაც გადაიცემოდა; ლექცია-სემინარები ჩატარდა ზუგდიდის 2 უნივერსიტეტში. მოგვიანებით სტუდენტურ გუნდებს შორის გაიმართა თემატური ბრეინ-რინგი. მონაწილეებს საჩუქრად გადაეცათ ლიტერატურა და წამახალისებელი პრიზები. გამოიცა ბროშურა: „ადგილობრივი თვითმმართველობის გზამკვლევი“. საინფორმაციო შეხვედრები მოსახლეობასთან გაიმართა ზუგდიდის ყველა სოფელში. მონაწილეებს მიეწოდათ ინფორმაცია ადგილობრივი თვითმმართველობის კომპეტენციებზე, მართველობაში მათი ჩართულობის მნიშვნელობასა და თვითმმართველობის მიმდინარე რეფორმაზე. თითოეულ სოფელში მოკვლეულ იქნა იქ არსებული პრობლემები. განხორციელდა თვითმმართველობის საქმიანობის 6 მონიტორინგი. გამოვლენილი პრობლემების მოსაგვარებლად მომზადდა რეკომენდაციები, რომლებიც საჯარო განხილვის შემდეგ გადაეცათ თვითმართველობებს. რეკომენდაციები ასეთია: გადაიჭრას 30-ივე სოფლის მოსახლეობის გადაუდებელი საჭიროებები;გონივრულ ვადებში მოგვარდეს ონარიის დასახლებაში არსებული გადაუდებელი პრობლემები.გადაიჭრას სოფელ ცაიშის ნაგავსაყრელზე არსებული პრობლემები. ყველა მიმწოდებელს მიეცეს ტენდერში მონაწილეობის საშუალება, გამოირიცხოს ინტერესთა კონფლიქტი შემსყიდველსა და მომსახურების მიმწოდებელს შორის, გონივრულად იქნეს გათვლილი შესასყიდი საქონლის/მომსახურების სავარაუდო ფასები, 2014 საბიუჯეტო წელს არ დაფინანსდეს საფეხბურთო კლუბი ზუგდიდი, მოეწყოს ინფრასტრუქტურა შეზღუდული შესაძლრბლობების მქონე პირთა თავისუფალი გადაადგილებისათვის და ასევე, გაიზარდოს სტიქიით დაზარალებულთა კომპენსაციის ფონდი და განისაზღვროს საჯარო მოხელეებზე პრემიებისა და სახელფასო დანამატის გაცემისა და ოდენობის წესი. ივლისსა და დეკემბერში 400-400 მოქალაქე გამოიკითხა სპეციალური კითხვარით. გამოკითხვის შედეგებით შესამჩნევადაა გაზრდილი მოქალაქეთა ინფორმირებულობის დონე ადილობრივი თვითმმართველობის საკითხებში; პროექტის დასასრულს გამოიცა ბროშურა. რომელშიც მონაწილეთა პრაქტიკული გამოცდილებაა ასახული. ის დაეხმარება მოქალაქეებს დამოუკიდებლად განახორციელონ სამოქალაქო მონიტორინგი და მოახდინონ მნიშვნელოვანი საკითხების ეფექტური ადვოკატირება. უნდა აღინიშნოს, რომ თვითმმართველობებმა რეკომენდაციების ნაწილი წელსვე გაითვალისწინეს. მათ შორის:შესყიდვები მეტწილად ტარდება სუბიექტებისთვის თანაბარი სასტარტო პირობებით, არ დაფიქსირებულა ინტერესთა კონფლიქტი შემსყიდველსა და მიმწოდებელს შორის, შეწვეტილი და ჩაშლილი ტენდერების რაოდენობა მნიშვნელოვნად შემცირდა. ონარიაში ნაწილობრივი რეაბილიტაცია ჩაუტარდა საკანალიზაციო არხს, მოიხრეშა შიდა გზების უმეტესი ნაწილი. რეგიონული განვითარებისა და ინფრასტრუქტურის სამინისტროს წატრედგინა პროექტი ხუთი საცხოვრებული კორპუსის რეაბილიტაციაზე. ინფრასტრუქტურული პროექტები განხორციელდა სხვა სოფლებშიც. მათი დიდი ნაწილის მოგვარება, ზუგდიდის მუნიციპალიტეტის გამგეობისა და ინფრასტრუქტურის სამინისტროს წარმომადგენლეთა განცხადებით, 2014 წლის პროექტებში იქნება გათვალისწინებული. თვითმმართველობას აქვს მზაობა პროექტის გუნდთან ერთად იმუშაოს „საჯარო მოხელეებზე პრემიებისა და სახელფასო დანამატის გაცემისა და ოდენობის განსაზღვრის წესის“ დადგენილების პროექტზე. დაიგეგმა შეზღუდული შესაძლებლობების პირთა თავისუფალი გადაადგილებისათვის საჭირო ინფრასტრუქტურის მოწყობა ადმინისტრაციულ შენობებში. პროექტის მნიშვნელოვანი შედეგია, რომ ჩამოყალიბდა პარტნიორული ურთიერთობა თვითმმართველობის ორგანოებსა და სამოქალაქო საზოგადოებას შორის. სოფლებში შექმნილია მოქალაქეთა ჯგუფები, რომლებიც დამოუკიდებლად შეძლებენ სამოქალაქო მონიტორინგის განხორციელებას და მნიშვნელოვანი საკითხების ეფექტურ ადვოკატირებას.