ზუგდიდის მუნიციპალიტეტის გამგეობა დევნილი და ადგილობრივი მოსახლეობისთვის, ჯანმრთელობის მდგომარეობის გაუმჯობესების პროგრამის ფარგლებში, ძვირადღირებული მედიკამენტების შეძენას, ტომოგრაფიული და ასევე კორონაროგრაფიული გამოკვლევებს დააფინანსებს. პროგრამის ფარგლებში დაფინანსდებიან, ის პაციენტები რომელთა სამედიცინო დაზღვევა არ ითვალისწინებს ზემოაღნიშნულ სამედიცინო მომსახურებას. როგორც რადიო „ათინათთან“ საუბარში ზუგდიდის მუნიციპალიტეტის გამგებლის მოადგილის მოვალეობის შემსრულებელი გურგენ სართანია განმარტავს, ადგილობრივი ბიუჯეტიდან მედიკამენტების შეძენა მოხდება იმ შემთხვევაში თუ მისი ღირებულება 50 ლარს აჭარბებს. მისივე თქმით, საჭიროების შემთხვევაში შესაძლებელია ბენეფიციარმა 1000 ლარის ოდენობის დახმარება მიიღოს. „ნებისმიერ ადამიანს შეუძლია მოგმართოს და მიიღოს დახმარება. მოქალაქეებმა გამგეობაში უნდა წარმოადგინონ ფორმა 100, ექიმის რეცეპტი და პირადობის ასლი“, - ამბობს გურგენ სართანია. აღნისნული პროგრამისთვის ზუგდიდის ბიუჯეტიდან 130 ათასი ლარია გამოყოფილი.