ზუგდიდში რეგიონული მნიშვნელობის საუნივერსიტეტო კლინიკის მშენებლობა ზაფხულში დაიწყება. მშენებლობასთან დაკავშირებით ჯანდაცვის მინისტრი დავით სერგეენკო რეგიონული განვითარებისა და ინფრასტრუქტურის მინისტრს დავით ნარმანიას შეხვდა. მინისტრების განცხადებით, საავადმყოფო უმაღლესი ხარისხის დიაგნოსტიკური და კარდიოლოგიური ცენტრი იქნება. მათივე განმარტებით, უკვე დასრულებულია მოსამზადებელი ეტეპი, რომელიც მშენებლობის დაგეგმარებას მოიცავდა. ზუგდიდის გამგებლის მოადგილის მოვალეობის შემსრულებლის მერაბ ქვარაიას განმარტებით, საავადმყოფოს კომპლექსის მშენებლობისთვის 4 ჰექტრამდე მისწის ნაკვეთია საჭირო, რომლის შერჩევა ამ დრომდე მიმდინარეობს. „გარდა საავადმყოფოს შენობისა, აქ უნდა აშენდეს სასწავლო ცენტრი და სასტუმრო, პაციენტების ოჯახის წევრებისთვის. ამისთვის სახელმწიფო ბიუჯეტიდან დაახლოებით 20 მილიონი ლარი დაიხარჯება. ამ ეტაპზე მშენებლობისთვის შერჩეულია ორი ადგილი: რუხისა და ახალაბთუმანი-კომბინატის მიმდებარე ტერიტორიები. საბოლოდ რომელ ადგილზე გაკეთდება არჩევანი ჯერ უცნობია. “, - განუცხდა რადიო „ათინათს“ მერაბ ქვარაიამ. ცნობისთვის, ზუგდიდში უმაღლესი დონის საავადმყოფოსა და სასწავლო ცენტრის მშენებლობა „ქართული ოცნების“ ერთ-ერთი წინასაარჩევნო დაპირება იყო. ამავე დაპირების მიხედვით, საავადმყოფო უფასოდ უნდა მოემსახუროს, როგორც ადგილობრივ ისე აფხაზეთის მოსახლეობას.