ასოციაცია „ათინათის“ საკონფერენციო დარბაზში დღეს, 21 თებერვალს პროექტ „ქალთა გაძლიერება ცვლილებებისთვის“, ფარგლებში შეხვედრა გაიმართა. შეხვედრაზე, ბიზნესის სფეროში მოღვაწე წარმატებულმა ქალებმა საკუთარი გამოცდილება, პროექტის ფარგლებში შექმნილი სამიზნე ჯგუფების წევრ ქალბატონებს გაუზიარეს. „ამ პროექტის ფარგლებში სამიზნე არის ქალბატონების ორი ჯგუფი, პირველი, რომლებსაც აქვთ თავიანთი ბიზნესის განვითერების სურვილი და მეორე, ქალბატონები, რომლებსაც სურვილი აქვთ აქტიურად ჩაერთონ საზოგადოებრივ საქმიანობაში“, - უთხრა რადიო „ათინათს“ პროექტის ხელმძღვანელმა ეკა ურუშამემ. ბიზნესის სფეროში მოღვაწე ქალები აცხადებენ, რომ ამ სფეროში წარმატების საიდუმლო შრომისმოყვარეობა, მოთმინება და კომუნიკაბელურობაა. „ბიზნესი 5 ლარით დავიწყე და წარმატებას ჩემი დაუღალავი შრომით მივაღწიე. მთავარია ბიზნესი მომავალზე გათვალო და არა დრევანდელ დღეზე. ჩემს მიერ წამოწყებული ბიზნესის განვითერებას 6 წელი ველოდბოდი“, - ამბობს რესტორან „მონოპოლისა“ და „ანტრეს“ მენეჯერი და მფლობელი ელისო ქარჩავა. პროექტი „ქალთა გაძლიერება ცვლილებებისთვის“ ორგანიზაცია „სტრატეგიული კვლევებისა და განვითერებისა ცენტრი“, UNDP- მხარდაჭერით ახორციელებს. პროექტის ძირითადი მიზანია ქალთა უნარებისა და შესაძლებლობების განვითარება. სამეგრელოში აღნიშნულ პროექტს ასოციაცია „ათინათი“ ახორციელებს, ხოლო კახეთში „სამოქალაქო განვითარების ასოციაცია“.