შამგონაში მცხოვრები მოზარდის ი.ქ-ს მიერ არასრულწლოვნის გაუპატიურების მცდელობის საქმე ზუგდიდის რაიონულმა სასამართლომ დღეს, 10 მარტს დახურულ კარს მიღმა განიხილა. ბრალდებულის ადვოკატის განმარტებით, პროცესზე ბრალდების მხარის 3 მოწმე იქნა დაკითხული. მისივე განმარტებით, დღესვე იყო დაგეგმილი არასრულწლოვანი დაზარალებულის დაკითხვაც, თუმცა ბრალდების დაცვის მხარემ შუამდგოლობა დააყენა, რადგან დაზარალებულის წამომადგენელი იყო მისი ბებია, რომელიც ამავე სხდომაზე მოწმის სახითაც დაიკითხა. მოსამართლემ შუამდგომლობა დააკმაყოფილა, დაზარალებულის დაკითხვა კი კანონიერი წარმომაგენლის (დედ-მამა) თანხლებით მომდევნო პროცესისთვის გადაიდო. დაცვის მხარის ადვოკატმა შორენა კალანდიამ მედიასთან საუბარში აღნიშნა, რომ დღევანდელ პროცესზე დაკითხული პირები ირიბი მოწმეები იყვნენ , რომლებიც დაზარალებულის მიერ მოყოლილ ფაქტებს ყვებოდნენ. მოზარდს ბრალი სისხლის სამართლის კოდექსის 138 და 178 მუხლით აქვს წარდგენილი. რაც სქესობრივ ძალმომრეობით მოქმედებებს გულისხმობს. დაკავებულს ბრალი ექსპერტიზის დასკვნის წარედგინა. დასკვნამ კი დაადასტურა, რომ სქესობრივი კონტაქტი მოზარდებს შორის არ დაფიქსირებულა. ადვოკტმა ასევე განმარტა, რომ ბრალდებული ბრალს არც ერთ ნაწილში არ აღიარებს. ხოლო მისი ჯანმრთლობის მდგომარეობა, ციხის ექიმების და ფსიქიატრების განმარტებით, სტაბილურია. შეგახსენებთ, რომ ინციდენტი სოფელ შამგონაში 2013 წლის სექტემბერის თვეში მოხდა, დაკავებულმა 3 ჯერ თვითმკვლელობა სცადა, რის გამოც ფსიქიატრიულ კლინიკაშიც იქნა მოთავსებული. 2014 წლის 20 იანვარს არასრულწლოვნის ნათესავებმა და ახლობლებმა სამეგრელო-ზემო სვანეთის ოლქის პროკურატურასთან საპროტესტო აქცია გამართეს. ისინი აცხადებდნენ, რომ მოზარდი უდანაშაულოა და საქმე მტკიცებულებების გარეშე აღიძრა.