ადვოკატ ირაკლი ზაქარეიშვილის ინფორმაციით, დათა ახალაიას სანდრო გირგვლიანის წამების ორგანიზების ბრალდება მოეხსნა. როგორც ზაქარეიშვილმა განაცხადა, ბრალდების მოხსნის გადაწყვეტილება პროკურატურამ მიიღო. "ალექსანდრე გირგვლიანის წამებაში ბრალი არც ერთ პირს არ აქვს წარდგენილი. გირგვლიანის გარდაცვალების გარემოებები გამოძიებით დადგენილი არ არის, საქმე - გაუხსნელია. საბოლოოდ გამოჩნდა, რომ გირგვლიანის საქმით პროკურატურა ახორციელებდა დავით ახალაიას პოლიტიკურ დევნას, შავი პიარის ორგანიზებას და სამართლებრივ ჯამბაზობას!", - აღნიშნავს ადვოკატი.