ზუგდიდის რაიონულ სასამართლოში ბრალდებულ ლევან დარასელიას საქმეზე წინასასამართლო განხილვა გაიმართა. დარსელიას ბრალი სისიხლის სამართლის 178-ე მუხლის მესამე ნაწილის „ა“ და „ბ“ ქვეპუნქტებით ედება, რაც ჯგუფურ ძარცვას გულისხმობს და ბრალის დამტკიცების შემთხვევაში ბრალდებულს 5–დან 8 წლამდე თავისუფლების აღკვეთა ემუქრება. პროკურატურის ინფორმაციით, დარასელიამ მიმდინარე წლის 19 იანვარს ერთ-ერთი ტოტალიზატორის დაცვის თანამშრომელი რობერტ გაბისონია, თამხლებ პირთან ერთად, გაძარცვა და უკანონოდ 30 ლარის ოდენობის თანხა მიითვისა. დარასელიას ოჯახის წევრები ბრალდებას აბსრდულს უწოდებენ და აცხადებენ, რომ ბრალდებულმა გაბისონია მხოლოდ სცემა. მათივე განმარტებით, გამოძიებამ საქმე დაზარალებულის ძმის, სამხარეო პოლიციის თანამშრომლის, „თანაავტორობით შეთხზა“. ამასთან, როგორც ბრალდებულის მამა ბადრი დარასელია ჟურნალსიტებთან საუბარში აცხდებს, გაბისონიასა და მის შვილს შორის დაპირისპირება უფრო ადრე დაიწყო და ერთ-ერთი შელაპარაკების დროს გაბისონიამ დარასელიას მიმართულებით ცეცხლსასროლი იარაღიდანაც გაისროლა. „გასროლის ფაქტის დამალვა იმიტომ უნდათ, რომ გაბისონია ნასამართლევია და მას პირობითი აქვს. ლევანი დასაქმებულია, იგი ლექციებს კითხულობს, თან სათვალეებს ამზადებს, არავითარი ეკონომიკური გასაჭირი, იმისა რომ მას გაეძარცვა გამისონია არ არსებობდა და არც აღიარებს დანაშაულს.“-აცხადებს ბრალდებულის მამა. პროცესზე დაცვის მხარის ადვოკატმა შეორენა კალანდიამ ორი შუამდგომლობა, ბრალდებულის სისხლის სამართლის დევნისგან გათავისფლება და პროკურატურის მტკიცებულებების დაუშვებლად ცნობა დააყენა. მოსამართლე ირაკლი აბშილავამ არც ერთი შუამდგომლობა არ დააკმაყოფილა და დარასელია პატიმრობაში დატოვა. ბრალდების დაცვის მხარის ადვოკატი სასამართლოს გადაწყვეტილებებს უსამართლოს უწოდებს და საქმის არსებით განხილვაზე გამამართლებელი განაჩენის მოლოდინშია. "ბრალდების მხარეს არის მხოლოდ დაზარალებულის ჩვენება და ბრალდების ჩვენება, რომლებიც ურთიერთ საწინააღმდეგო ფაქტებს ამტკიცებენ. არ არსებობს სხვა მკტიცებულებები,როგორიც არის თვითმხილველთა ჩვენება, ექსპერტიზის დასკვნა ან ნაძარცვი თანხის ამოღება. ძრცვის ფაქტი არ მომხდარა, ამიტომ შეუძლებელია მოხდეს სისხლის სამართლებრივი პროცესის განხორციელება,"-აღნიშნა შორენა კალანდიამ. დარასელიას საქმეზე მომდევნო სასამართლო სხდომა, დაახლოებით, ერთ კვირაში გაიმართება.